6 قاراشا, 16:09 273 0 جاڭالىقتار اسەل انۋاربەك

باس ءمۇفتي: تۇراقتى جالاقى تاعايىنداۋ قاجەت

ەلوردادا ءوتىپ جاتقان قازاقستان ءدىنتانۋشىلارىنىڭ ءحى فورۋمىندا يمامداردى الەۋمەتتىك قولداۋ ماسەلەسى كوتەرىلدى. بۇل رەتتە تۇزەتۋ مەكەمەلەرىندەگى يمامدارعا تۇراقتى جالاقى تاعايىنداۋ ۇسىنىلدى.

مۇنداي ۇسىنىستى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي سەرىكباي قاجى وراز ايتتى. باس ءمۇفتيدىڭ سوزىنشە، يمامدار جۇرگىزگەن جۇمىستاردىڭ اراسىندا ەلىمىزدە جىل سايىن 500-دەن استام ازامات دەسترۋكتيۆتى اعىمنان باس تارتىپ، ءداستۇرلى دىنگە قايتا ورالادى ەكەن. «قوعامنىڭ اعارتۋشى توبىنا جاتاتىن يمامداردىڭ تىنىمسىز قىزمەتىن ەسكەرىپ، ولارعا دا الەۋمەتتىك تۇرعىدان قولداۋ جاسالسا دەگەن ۇسىنىسىمىز بار. اسىرەسە، ەلىمىزدەگى 100-گە جۋىق تۇزەۋ مەكەمەسىندە جۇمىس ىستەيتىن ءدىن قىزمەتكەرلەرىنە تۇراقتى جالاقى تاعايىندالسا دەيمىز. بۇل ءدىن قىزمەتكەرىنە كورسەتىلگەن قۇرمەت پەن ءادىل باعا بولار ەدى»، – دەدى سەرىكباي قاجى وراز.

 

 

 

 

 

 

سوڭعى جاڭالىقتار