6 قاراشا, 12:50 326 0 تەحنولوگيالار انار لەپەسوۆا

eGov mobile: بۇدان بىلاي جەكە كۋالىكتى قالتاعا سالىپ ءجۇرۋدىڭ قاجەتى جوق

قازاقستاندىقتارعا eGov mobile قوسىمشاسىندا جەكە كۋالىكتى ەلەكتروندى تۇردە كورسەتۋگە مۇمكىندىك بەرەتىن قىزمەت ىسكە قوسىلدى.

قوسىمشاداعى مۇنداي فۋنكتسيانى "ۇلتتىق اقپاراتتىق تەحنولوگيالار" كومپانياسىنىڭ ماماندارى ازىرلەدى. قۇجات قازىردىڭ وزىندە Android جانە iOS جۇيەلەرىندەگى بارلىق eGov mobile قولدانۋشىلارى ءۇشىن قولجەتىمدى.

"ەگەر سىزدە جەكە كۋالىگىڭىزدىڭ تۇپنۇسقاسى بولماسا، ونى ەلەكتروندى تۇردە ۇسىنا الاسىز. ەندى قۇجاتتاردى راسىمدەۋ كەزىندە، مىسالى، نوتاريۋسكە بارعاندا eGov mobile قوسىمشاسىندا ءوزىڭىزدىڭ ەلەكتروندى جەكە كۋالىگىڭىزدى كورسەتۋىڭىز قاجەت. وسىدان كەيىن سىزگە QR-كودىن قولدانۋ ارقىلى رۇقسات بەرۋ فۋنكتسياسى ۇسىنىلادى. نوتاريۋس وسىلايشا ءسىزدىڭ قۇجاتىڭىزدىڭ تۇپنۇسقا ەكەندىگىنە وڭاي كوز جەتكىزەدى", - دەپ جازدى كومپانيا وكىلدەرى Facebook-تەگى پاراقشاسىندا.

eGov mobile قولدانۋشىلارىنا تاعى قانداي قۇجاتتار قولجەتىمدى؟

ازىرلەۋشىلەردىڭ ايتۋىنشا، eGov mobile قوسىمشاسى جۇمىسقا، سالىق ورگاندارىنا، ەلشىلىكتەرگە جانە باسقا دا ۆەدومستۆولارعا ۇسىنۋعا قاجەتتى انىقتامالار مەن قۇجاتتاردى الۋعا مۇمكىندىك بەرەدى. ول ءۇشىن حالىققا قىزمەت كورسەتۋ ورتالىعىنا بارۋدىڭ قاجەتى جوق.

اۆتوريزاتسيا جاساۋ ءۇشىن ەلەكتروندى تسيفرلىق قولتاڭبانىڭ (ەتسق) بولۋى جانە ۇيالى تەلەفوننىڭ ءنومىرى eGov پورتالىنداعى جەكە كابينەتتە تىركەلۋى قاجەت. وسىدان كەيىن ءموبيلدى قوسىمشانى جۇكتەۋگە بولادى:

  • سوتتالماعانى تۋرالى انىقتاما;
  • جىلجىمايتىن مۇلىكتىڭ بار-جوعى تۋرالى انىقتاما;
  • اتى، تەگى، اكەسىنىڭ اتى وزگەرگەنى تۋرالى انىقتاما;
  • نەكە قيۋ نەمەسە اجىراسۋ تۋرالى انىقتامالار;
  • تۋ تۋرالى انىقتاما;
  • زەينەتاقى قورىنان كوشىرمە جانە تاعى باسقالار.

 

سوڭعى جاڭالىقتار