6 قاراشا, 10:38 438 0 رۋحانيات انار لەپەسوۆا

"100 جاڭا ەسىم" جوباسىنىڭ قاتىسۋشىلارىنا داۋىس بەرۋ باستالدى

ەلىمىزدە "100 جاڭا ەسىم" جوباسىنىڭ ءىىى ماۋسىمى بويىنشا داۋىس بەرۋ كەزەڭى باستالدى، دەپ حابارلادى قىزىلوردا قالاسى اكىمدىگىنىڭ ءباسپاسوز قىزمەتى.

داۋىس بەرۋ كەزەڭى 2019 جىلعى 20 قاراشاعا دەيىن جالعاسادى.

رەسپۋبليكا بويىنشا قازاقستاندىق جاس كاسىپكەرلەر اراسىنان – 129 ادام، اق حالاتتى ابزال جاستاردان – 106 ادام، مادەنيەت جاستارىنان – 373 ادام، قوعام بەلسەندىلەرىنەن – 307 ادام، سالاۋاتتى ءومىر سالتىن ۇستاناتىن – 411 ادام، عىلىم-ءبىلىم جولىندا ەڭبەك ەتىپ جۇرگەن – 336 ادام جانە ت.ب. قازاقستاندىق جاستىڭ جانە قىتاي مەن رەسەيدەگى قازاق جاستارىنىڭ ءوتىنىمى قابىلداندى.

ال جوباعا قىزىلوردا وبلىسىنان 122 ءوتىنىم بەرىلگەن. جاس تا بولسا ءبىرشاما جەتىستىكتەرگە جەتكەن سىربويىلىق جوباعا قاتىسۋشىلاردى قولداۋعا، داۋىس بەرۋگە، جەڭىمپازدى انىقتاۋعا اتسالىسىڭىز، - دەلىنگەن حابارلامادا.

قالاي داۋىس بەرۋگە بولادى؟

داۋىس بەرۋ ءۇشىن https://100janaesim.ruh.kz/ سىلتەمەسىن باسىپ، كەز كەلگەن ىزدەۋ جۇيەسى ارقىلى جوبانىڭ نەگىزگى سايتىنا ءوتىپ، ءتىنتۋىردى قالاعان قاتىسۋشىڭىزعا جاقىنداتساڭىز "داۋىس بەرۋ" تەتىگى شىعادى. سول تەتىكتى ءبىر رەت باسۋ ارقىلى ءسىز انكەتاعا وتە الاسىز. انكەتانىڭ (قاتىسۋشى فوتوسىنىڭ) استىندا تۇرعان "داۋىس بەرۋ" تەتىگىن تاعى باسقان سوڭ، جۇيە ءسىزدىڭ ەلەكتروندى مەكەنجايىڭىزدى سۇرايدى. ەلەكتروندى مەكەنجايدى ەنگىزۋ ارقىلى قۇپيا كود الا الاسىز. قۇپيا كودتى كورسەتىلگەن جەرگە جازۋ ارقىلى ءسىز قاتىسۋشىعا داۋىس بەرەسىز.

ءبىر ادام ءبىر عانا رەت داۋىس بەرە الادى.

سوڭعى جاڭالىقتار