5 قاراشا, 15:58 501 0 جاھان انار لەپەسوۆا

اتامباەۆپەن كەزدەسۋگە بارعان دەپۋتات ونىڭ يزولياتورداعى ءومىرى جايلى ايتىپ بەردى

قىرعىزستان جوعارعى كەڭەسىنىڭ دەپۋتاتى اسەل كودۋرانوۆا، يرينا كارامۋشكينا جانە ءالفيا ساميگۋللينا مەملەكەتتىك ۇلتتىق قاۋىپسىزدىك كوميتەتىنىڭ تەرگەۋ يزولياتورىندا ەلدىڭ بۇرىنعى پرەزيدەنتى المازبەك اتامباەۆپەن كەزدەستى. بۇل تۋرالى يرينا كارامۋشكينا ءوزىنىڭ Facebook پاراقشاسىندا جازدى. 

دەپۋتات ارىپتەس ەر ازاماتتارىنىڭ اتامباەۆپەن كەزدەسۋگە قورىققاندىقتارىنان، تەرگەۋ يزولياتورىنا تەك ايەلدەر بارعانىن اتاپ ءوتتى.

ونىڭ ايتۋىنشا، ەكس-پرەزيدەنت قازىر كلاسسيكالىق قالامگەرلەردى كوپ وقيدى.

"ول سپورتزالعا بارىپ ءجۇر. ەر ادام 63 جاستا دا بابىندا بولۋى كەرەك ەكەنىن ويلاي باستادى", – دەيدى دەپۋتات.

ول اتامباەۆتىڭ ۇستالعان ازاماتتاردىڭ بارلىعى ءۇشىن تۇرمەدە وتىرىپ شىعۋعا دايىن مالىمدەدى.

"ناقتى ءوزىنىڭ كىناسى دالەلدەنسە، وتىرىپ شىعۋعا دايىن، بىراق قالعاندارىنىڭ بوساتىلۋىن قالايدى. سوڭىندا ول جەەنبەكوۆتەردى كەشىرۋگە دايىن ەكەنىن جەتكىزدى", – دەيدى كارامۋشكينا.

سوڭعى جاڭالىقتار