1 قاراشا, 15:46 217 0 ونەر انار لەپەسوۆا

لدىقورعاندا ءىى حالىقارالىق ءداستۇرلى مۋزىكا فەستيۆالى ءوتتى

ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى باستى باعىتتاردىڭ ءبىرى – «جاھاندىق الەمدەگى زاماناۋي قازاقستان» باعىتى بويىنشا 30-31 قازان كۇندەرى تالدىقورعان قالاسىندا «ماڭگىلىك ەلدىڭ – ماڭگىلىك سارىنى» اتتى ءىى حالىقارالىق ءداستۇرلى مۋزىكا فەستيۆالى ءوتتى.  وعان ەلىمىزدىڭ  ار ايماعىنان جانە ءتۇبى ءبىر تۇركى حالقىنىڭ تۇركيا، ياكۋتيا، حاكاسيا، باشقۇرستان، تاتارستان، وزبەكستان، قىرعىزستان، مونعوليا سىندى 9 مەملەكەتىنەن 50 جۋىق ورەلى ونەر يەلەرى كەلىپ قاتىستى. 

قاتىسۋشىلار قۇرامىندا حاكاسيا رەسپۋبليكاسى، رۋسلان گابىشەۆ – ياكۋتيا، ازات بەكچۋرين – باشقۇرتستان، تالعات حاسەنوۆ – تاتارستان، روۆشانجان يۋنۋسوۆ – وزبەكستان، قازاقستاندىق ونەر مايتالماندارى: ەربولات شالدىبەكوۆ، ۇلجان بايبوسىنوۆا، قازبەك ادىكەەۆ، سونىمەن قاتار «ۇلى كوش» ءانسامبلى – قىرعىزستان، «كۇلتەگىن» انسامبلى – موڭعوليا، «ادىرنا»، «حاسساق»، «قوبىز سارىنى» ەتنو-فولكلورلىق انسامبلدەرى دە بار.

جەتىسۋ جۇرتىنا رۋحاني ازىق سىيلاعان مادەني شارانى الماتى وبلىسى اكىمدىگىنىڭ قولداۋىمەن وبلىستىق مادەنيەت، ارحيۆتەر جانە قۇجاتتاما باسقارماسى، حالىق شىعارماشىلىق ورتالىعى ۇيىمداستىرعان.

ەكى كۇندىك فەستيۆالدىڭ العاشقى كۇنى ءار ەلدەن كەلگەن ونەر دۇلدۇلدەرى ق.بايسەيىتوۆ اتىنداعى ساز كوللەدجىنىڭ بىلىمگەرلەرىنە تۇركى تىلدەس حالىقتاردىڭ ۇلتتىق اسپاپتارى مەن جىرشىلىق ونەرى جايلى شەبەرلىك ساعات وتكىزدى.

2851487.jpg

سونىمەن قاتار  مارتەبەلى مەيماندار «جۋرناليستەر ۇيىندە» ارنايى ءباسپاسوز ءماسليحاتىن وتكىزىپ، ىزگى لەبىزدەرىن ءبىلدىردى. باسقوسۋدا ءسوز العان باسقارما باسشىسى مارلەن قاپاشۇلى جالپى ونەرپازداردى كەلگەن قادامىمەن قۇتتىقتاپ، ولارعا تولاعاي تابىس تىلەدى.

وسىمەن بىرنەشە مارتە ۇيىمداستىرىلعان بۇل فەستيۆالدىڭ ءمانى زور. فەستيۆالدىڭ باستى ماقساتى: بارىمىزدى باعامداپ، جوعىمىزدى تۇگەندەپ، ۇلت مادەنيەتىن ۇلى دەڭگەيگە كوتەرۋگە كۇش سالۋ، ءداستۇرلى  ونەردى كوپشىلىككە كەڭىنەن ناسيحاتتاۋ. جاستارعا قولداۋ كورسەتىپ، قازاقتىڭ  سازدى اۋەنى ارقىلى الەمدىك وركەنيەتكە قوسقان ۇلەسىن پاش ەتۋ. ۇلتتىق فولكلورلىق ونەردى جانداندىرا تۇسۋگە ىقپال ەتىپ، انسامبلدەردىڭ رەپەرتۋارلارىن دامىتۋ بولىپ تابىلادى.

فەستيۆال سوڭىندا قاتىسۋشىلار باعالى سىيلىقتارمەن، ديپلومدارمەن ماراپاتتالدى. تۇركسوي ۇيىمىنىڭ قازاقستانداعى ارنايى وكىلى تۇرعانباەۆ اسقار ءابدۋاليۇلى الماتى وبلىستىق حالىق شىعارماشىلىعى ورتالىعى باسشىسىنا جانە فەستيۆلدا ونەر كورسەتكەن بارشا ونەرپازدارعا «العىس حات» تابىستادى.

سوڭعى جاڭالىقتار