5 قاراشا, 15:40 423 0 الەۋمەت انار لەپەسوۆا

ەلوردادا اليمەنتتەن جالتارىپ جۇرگەن اكەلەردىڭ سانى قانشا؟

جىل باسىنان بەرى ەلوردانىڭ جەكە سوت ورىنداۋشىلارىنىڭ قاراۋىندا اليمەنت تولەمەگەندەر بويىنشا 17 576 قۇجات بولدى. ونىڭ ىشىندە 1716 بورىشكەر اليمەنتتى مۇلدەم تولەمەگەن، دەپ حابارلايدى قالالىق اكىمدىكتىڭ رەسمي سايتى. 

بۇگىنگى كۇنى 4 053 قۇجات قاراۋدان ɵتتi. ونىڭ 154-ءى ورىندالدى، 925 - ىنە اتقارۋشىلىق ءوندىرىس توقتاتىلدى، 3000 ءىس ءوندىرىپ الۋشىلارعا ورىندالماي قايتارىلدى. جەكە سوت ورىنداۋشىلار قاراۋىندا 13 523 قۇجات قالدى. اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان جۇيەسىنە سايكەس 6 692 قۇجات ۋاقىتىندا ورىندالۋدا، 747 - ۋاقىتشا توقتاتىلعان.

سونىمەن قاتار، اليمەنت ءوندىرۋ تۋرالى 1716 اتقارۋشىلىق ءىس جۇرگىزۋ پروبلەمالى بولىپ سانالادى. ياعني، بورىشكەرلەر ءتيىستى اليمەنتتەردى مۇلدە تولەمەيدى. تاعى 4368 قۇجات بويىنشا تۇراقسىز تولەم جۇرگىزەدى. قالانىڭ قۇقىق قورعاۋ ورگاندارى كامەلەتكە تولماعان بالالارىنا اليمەنت تولەۋدەن جالتارۋ اكىمشىلىك جانە قىلمىستىق جاۋاپكەرشىلىككە اكەلەتىنىن ەسكەرتەدى.

 

سوڭعى جاڭالىقتار