5 قاراشا, 13:00 475 0 ايماق انار لەپەسوۆا

اقتوبەدە قار قۇرساۋىندا قالعان كولىكتە ءبىر ادام كوز جۇمدى

اقتوبە وبلىسىندا قار قۇرساۋىندا قالعان اۆتوكولىكتەردىڭ بىرىندە تاجىكستان مەملەكەتىنىڭ ازاماتى قايتىس بولدى. بۇل تۋرالى "QazAvtoJol" ۇك" اق ءباسپاسوز قىزمەتى حابارلادى. 

الدىن الا اقپارات بويىنشا ەر ازامات 1956 جىلى دۇنيەگە كەلگەن. بەلگىلى بولعانداي ول رەسەي فەدەراتسياسىنىڭ تيۋمەن قالاسىنان تاجىكىستاننىڭ حودجان قالاسىنا جۇمىستان قايتىپ بارا جاتقان. قايعىلى وقيعا "سامارا-شىمكەنت" اۆتوجولىنىڭ 965 شاقىرىمىندا، اقتوبە وبلىسىنداعى قارابۇتاق ەلدى مەكەنىنىڭ جانىندا ورىن الدى. قازىرگى تاڭدا وقىس وقيعانىڭ ناقتى سەبەپتەرى انىقتالۋدا، - دەپ مالىمدەدى "QazAvtoJol" ۇك" اق ءباسپاسوز قىزمەتىنىڭ جەتەكشىسى، مارجان ورداباي.

WhatsApp Image 2019-11-05 at 10.22.33.jpeg
ايتا كەتەيىك، كەشە اقتوبە وبلىسىندا اۋا-رايىنىڭ كۇرت وزگەرۋى مەن قالىڭ قار جاۋعاندىقتان اتالمىش اۆتوجولدىڭ 964-1240 كم ۋچاسكەسىندە اۆتوكولىكتەردىڭ قوزعالىسىنا ۋاقىتشا شەكتەۋلەر قويىلعان بولاتىن.

جۇرگىزۋشىلەر مەن جولاۋشىلاردىڭ قاۋىپسىزدىگى ءۇشىن "قازاقاۆتوجول" جشس اقتوبە وبلىستىق فيليالى جولداعى قاردى تازالاۋ بويىنشا جانە كوك تايعاققا قارسى قارقىندى جۇمىستار جۇرگىزدى. ۋچاسكەدەگى جۇمىستارعا 15 بىرلىك ارنايى تەحنيكا جۇمىلدىرىلدى. اۆتوكولىكتەر قىس مەرزىمىنە دايىن بولماعاندىقتان جاعداي ۋشىعا ءتۇستى. جۇرگىزۋشىلەر مەن جولاۋشىلاردىڭ قاۋىپسىزدىگى ءۇشىن ولار "قازاقاۆتوجول" جشس اقتوبە وبلىستىق فيليالىنىڭ قالىباي اۋىلىنداعى جول-پايدالانۋ پۋكنتىنە جەتكىزىلگەن. قازىرگى تاڭدا جول قوزعالىسى اشىق، - دەيدى "QazAvtoJol" ۇك" اق ءباسپاسوز قىزمەتى.

سوڭعى جاڭالىقتار