5 قاراشا, 10:03 363 0 ىشكى ساياسات انار لەپەسوۆا

ورالدا نان باعاسى شارىقتادى

ورال قالاسىندا نان قىمباتتادى. بۇرىن جوعارى سۇرىپتى ءبىر بولكەنىڭ قۇنى 100 تەڭگە بولسا، ەندى ساۋدا سورەلەرىندە ول 125 تەڭگەگە دەيىن جەتتى، دەپ حابارلايدى «حابار 24».

ال ناۋبايحانالاردىڭ فيرمالىق دۇكەندەرىندە اتالعان ءونىمدى 119 تەڭگەگە تابۋعا بولادى. باعانىڭ بۇلايشا شارىقتاۋىن ماماندار الەمدىك نارىقتاعى بيداي قۇنىنىڭ وسۋىمەن تۇسىندىرەدى. ءوز كەزەگىندە ديىرمەندە تارتتىرىلعان ۇن دا قىمباتتاعان. وزگەرىسسىز قالعانى – ءبىرىنشى سۇرىپتى ۇننان پىسىرىلگەن كۇلشەلەردىڭ قۇنى. سەبەبى، 2010 جىلعى ۇكىمەت قاۋلىسىنا سايكەس ءبىرىنشى سورتتى نان الەۋمەتتىك ماڭىزعا يە ازىق-تۇلىكتىڭ تىزىمىنە ەنگىزىلگەن. قازىر نان باعاسىن باعىندىرۋدىڭ ءتۇرلى جولدارى قاراستىرىلۋدا.

"مەملەكەتتىك مەكەمەلەر الەۋمەتتىك تاۋارلاردىڭ، سونىڭ ىشىنە 19 تاۋار كىرەدى، سول تاۋارلار باعاسىن رەتتەيدى. ەندى ءبىرىنشى سۇرىپتى نان باعاسىن قىمباتتاتپاۋ ماقساتىندا تۇراقتاندىرۋ قورىنىڭ كۇشى قولدانىلاتىن بولادى. ياعني، قورداعى بار ۇندى تىكەلەي ءبىزدىڭ ناۋبايحانالارعا بەرۋ ارقىلى، ارزانداتىلعان باعامەن بەرۋ ارقىلى سول باعانى ۇستاپ تۇرۋدى جوسپارلاپ وتىرمىز", - دەيدى قالالىق كاسىپكەرلىك ءبولىمى باسشىسىنىڭ مىندەتىن اتقارۋشى  مەيرام قايىروۆ. 

سوڭعى جاڭالىقتار