5 قاراشا, 09:43 380 0 ايماق انار لەپەسوۆا

ۆيتسە-مينيستر اقتوبەدە "رۋحاني جاڭعىرۋ" اياسىندا اتقارىلعان ىستەرمەن تانىستى

اقتوبەگە جۇمىس ساپارىمەن كەلگەن اقپارات جانە قوعامدىق دامۋ ۆيتسە-ءمينيسترى دانيار ەسينگە «رۋحاني جاڭعىرۋ» باعدارلاماسى اياسىندا اتقارىلعان جۇمىستار تانىستىرىلدى. 

2017-2019 جىلدار ارالىعىندا «تۋعان جەرگە تاعزىم» اكتسياسى اياسىندا جالپى سوماسى 11,2 ملرد تەڭگەگە 2 مىڭعا جۋىق جوبا جۇزەگە اسىرىلدى. ونىڭ ىشىندە بيىل قۇنى 1,1 ملرد تەڭگە بولاتىن 580 الەۋمەتتىك جوبا قولعا الىندى.

«ارنايى جوبالاردىڭ قاتارىندا قوبدا اۋدانىنداعى ابات-بايتاق قورىمىنداعى «قىز اۋليە» كۇمبەزىنە كونسەرۆاتسيا جاساۋ، ويىل اۋدانىنداعى «كەرۋەن ساراي» تاريحي-ارحيتەكتۋرالىق كەشەنىنە رەستاۆراتسيا جۇمىستارىن جۇرگىزۋ، ىرعىز اۋدانىنداعى جامانشىڭ مەتەوريتتىك كراتەرىنە عىلىمي-زەرتتەۋ ەكسپەديتسياسىن ۇيىمداستىرۋ، «تۇيەتوبە» ياعني، قۋعىن-سۇرگىن، اشارشىلىق كەزىندە وپات بولعان ادامداردىڭ ۇرپاقتارىنىڭ حالىقارالىق فورۋمىن وتكىزۋ، «حان مولاسى» كەشەنىن قورشاۋ جۇمىسى بار. سونىمەن قاتار «قازاقستاننىڭ كيەلى جەرلەرى گەوگرافياسى» جوباسىنا ەنگەن رەسپۋبليكالىق 10 جانە جەرگىلىكتى ماڭىزى بار 22 ەسكەرتكىشتىڭ 3D مودەلىن ازىرلەۋ، وبلىس اۋماعىنداعى كيەلى جەرلەر تىزىمىنە ەنگىزىلگەن 16 ەسكەرتكىشكە QR-كود ورناتۋ جانە ءۇش تىلدەگى ۆەب-سايتتى ازىرلەۋ ءۇشىن وبلىس بيۋدجەتىنەن 8 ملن تەڭگە ءبولىنىپ، ءتيىستى جۇمىستار جۇرگىزىلۋدە»، - دەدى اقتɵبە وبلىسىنىڭ «رۋحاني جاڭعىرۋ» باعدارلاماسىن باسقارۋ ورتالىعىنىڭ باسشىسى نۇرلىحان حاسەنوۆ.

ايتا كەتەيىك، مەتسەناتتاردىڭ قولداۋىمەن اقتوبە قالاسىندا ءجالاڭتوس باھادۇرگە، ەدىگە باتىرعا، بوكەنباي باتىرعا، ەسەت باتىرعا ارنالعان ەسكەرتكىشتەر بوي كوتەردى. «100 جاڭا وقۋلىق» ارنايى جوباسى اياسىندا جارىق كورگەن 20 وقۋلىقتىڭ 6602 داناسى الىندى. «جۇبانوۆ كىتاپحاناسى» 100 كىتاپ جوباسىمەن پەداگوگ-وقىتۋشىلار قۇرامى ازىرلەگەن عىلىمي-زەرتتەۋ ەڭبەكتەرىنىڭ 21 كىتابى باسپادان شىعارىلدى.

«ارحيۆ-2025» جوباسى اياسىندا بيىل 131 مىڭنان استام پاراق تسيفرلىق نۇسقاعا كوشىرىلدى. جىلدىق جوسپاردا - 800 ساقتاۋ بىرلىگىن تسيفرلىق نۇسقاعا كوشىرۋ كوزدەلىپ وتىر. بۇل، اتقارىلعان جۇمىستاردىڭ ءبىر پاراسى عانا»، - دەدى نۇرلىحان حاسەنوۆ.

 

سوڭعى جاڭالىقتار