4 قاراشا, 09:42 704 0 ەكونوميكا انار لەپەسوۆا

ەلىمىزدە جانارماي باعاسى ارزاندادى

2019 جىلدىڭ قاڭتار-قازان ايلارى ارالىعىندا قازاقستاندا ينفلياتسيا 3,9% قۇرادى، دەپ حابارلايدى قر ۇلتتىق ەكونوميكا مينيسترلىگىنىڭ ستاتيستيكا كوميتەتى.

اگەنتتىك مالىمەتى بويىنشا باعا ازىق-تۇلىك تاۋارلارىنا اعىمداعى جىلعى ون ايدا (2019 جىلعى قازان 2018 جىلعى جەلتوقسانعا) – 7,2%، ازىق-تۇلىك ەمەس تاۋارلارىنا 3,8% جوعارىلادى. ال اقىلى قىزمەتتەرگە 0,1% تومەندەدى.

بيىلعى جىلدىڭ باسىنان (2019 جىلعى قازان 2018 جىلعى جەلتوقسانعا) باعا كۇرىشكە – 22,5%، ۇنعا – 19,9%، مۇزداتىلعان بالىققا – 16%، قوي ەتىنە – 15,6%، جارمالارعا – 15,4%، كارتوپقا – 15,3%، سيىر ەتىنە – 15%، نانعا – 13,4%، جىلقى ەتىنە – 12,9%، قۇس ەتىنە – 11,2%، شوشقا ەتىنە – 10,5%، ماكارون ونىمدەرىنە – 9,9%، كوفەگە – 9,2%، ەت ونىمدەرىنە – 9%، مايەكتى ىرىمشىككە – 8,3%، سارى مايعا – 7,6%، توقاش جانە ۇننان دايىندالاتىن ونىمدەرگە – 7,4%، شايعا 6,3% ارتتى. سالقىنداتىلعان سۋسىندار – 11,2%، تەمەكى ونىمدەرى – 10,7%، الكوگولدى ىشىمدىكتەر 7% قىمباتتادى. باعانىڭ تومەندەۋى جاڭا جينالعان كوكونىستەرگە – 14,1%، قۇمشەكەرگە 14% تىركەلدى.

سونداي-اق باعا وقۋ-انىقتامالىق ادەبيەتكە – 7,6%، كەڭسە تاۋرلارىنا – 6,3%، اۆتوموبيلدەرگە – 6,2%، فارماتسەۆتيكالىق ونىمدەرگە، قۇرىلىس ماتەريالدارىنا – 5,8%-دان، كيىم جانە اياق كيىمگە – 5,3%، تۇرمىستىق اسپاپتارعا – 5,1%، توقىما بۇيىمدارىنا، جيھاز جانە ۇيگە قاجەتتى زاتتارعا – 4,9%-دان، جەكە قولدانىلاتىن تاۋارلارعا – 4,6%، جۋعىش جانە تازالاعىش قۇرالدارعا 4,5% ءوستى. كەرىسىنشە، بەنزين – 4,5%، باللونداعى سۇيىتىلعان گاز – 0,9%، ديزەل وتىنى 0,7% ارزانداعان.

بۇدان بولەك، ساناتوريلەردىڭ قىزمەتتەرى – 8,1%، مادەني ءىس-شارالار سالاسىنداعى قىزمەتتەر – 6,3%، دەنساۋلىق قىزمەتتەرى – 5,3%، قۇقىقتىق، جەكە كولiك قۇرالدارىن ساقتاندىرۋ – 5%-دان، شاشتارازدار مەن جەكە قىزمەت كورسەتۋ ورىندارى قىزمەتتەرى – 4,9%، قوعامدىق تاماقتاندىرۋ – 4,6%، ساياحاتتار مەن دەمالىس ۇيلەرىنە جولدامالار 4,3% قىمباتتادى. تۇرعىن ءۇي-كوممۋنالدىق قىزمەتتەر سالاسىندا تاريفتەر ورتالىقتان جىلىتۋعا – 11%، ىستىق سۋعا – 10,1%، سۋىق سۋعا – 8%، كارىزگە – 7,2%، ەلەكتر ەنەرگياسىنا – 4,9%، تاراتۋ جەلىلەرى ارقىلى تاسىمالداناتىن گازعا – 4,4%، قوقىس شىعارۋعا 3,6% ارزاندادى.

 

سوڭعى جاڭالىقتار