3 قاراشا, 17:15 354 0 تۋريزم انار لەپەسوۆا

ەلىمىزدە تۇڭعىش رەت تۋريزمگە ارنالعان اۋە تولقىنى ىسكە قوسىلدى

قازاقستاندا تۇڭعىش رەت ءتۋريزمدى دامىتۋعا باعىتتالعان راديو ترانسلياتسيا تارازدا ىسكە قوسىلدى، دەپ حابارلايدى "حابار 24".

ەندى كونە شاھارعا كەلگەن مەيماندارعا ءوڭىردىڭ تۋريستىك الەۋەتى تۋرالى اقپار اۋە تولقىنى ارقىلى تاراتىلادى. يننوۆاتسيالىق جوبا «تسيفرلىق قازاقستان» باعدارلاماسى اياسىندا جۇزەگە اسىرىلىپ وتىر. تۋريستىك اقپاراتتىق اۋديوروليكتەر راديوتولقىنى ارقىلى قازاق، ورىس، اعىلشىن تىلدەرىندە ترانسلياتسيالانادى. وسى ارقىلى تۋريستەر نەگىزگى تاريحي-مادەني نىساندار، قوناق ۇيلەر، شيپاجايلار مەن تاماقتاناتىن ورىندار تۋرالى قاجەتتى مالىمەتتەردى بىلە الادى. اۋە تولقىندارىنىڭ تارالۋ اۋماعى 7 شاقىرىمدى قۇرايدى.

الماتى جانە شىمكەنت قالاسىنان كىرەبەرىس قاقپالاردا ورنالاسقان راديوتولقىندار ارقىلى تۋريزم تۋرالى جاقسى اقپارات بەرىلەتىن بولادى. سوندىقتان دا بۇل جوبا ۇزاق مەرزىمدى. ءبىز كەلەسى جىلى بۇل جوبانى ءارى قاراي كولەمدەۋگە تىرىسامىز، - دەيدى وبلىستىق تۋريزم باسقارماسىنىڭ باسشىسى، قارلىعاش ارالبەكوۆا.

سوڭعى جاڭالىقتار