3 قاراشا, 16:24 379 0 سپورت انار لەپەسوۆا

نيجات راحيموۆ بەلارورۋسسيادا التىن مەدالعا قول جەتكىزدى

بەلارۋستە ءوتىپ جاتقان «Alexander Cup» حالىقارالىق تۋرنيرىندە قازاقستاندىق اۋىر اتلەت نيجات راحيموۆ «التىن» الدى. بۇل تۋرالى فەدەراتسياسىنىڭ ءباسپاسوز قىزمەتى حابارلادى.

بەلارۋس رەسپۋبليكاسىنىڭ گرودنو قالاسىندا 1-5 قاراشا ارالىعىندا ءوتىپ جاتقان جارىس 2020 جىلى توكيودا وتەتىن وليمپيادا ويىندارىنا ىرىكتەۋ شاراسى سانالادى. وعان 300-گە جۋىق سپورتشى قاتىسۋدا.

«بۇگىن 81 كگ دەيىنگى سالماقتا جارىسقا شىققان نيجات راحيموۆ قازاقستان قورجىنىنا ەكىنشى «التىندى» سالدى»، - دەلىنگەن حابارلامادا.

ايتا كەتسەك، ءبىرىنشى التىن مەدالدى ەكاتەرينا بىكوۆا جەڭىپ العان ەدى. بۇعان دەيىن 55 كەلىدەگى ءزۇلفيا چينشانلو قولا جۇلدە جەڭىپ العان بولاتىن.

 

سوڭعى جاڭالىقتار