2 قاراشا, 20:39 451 0 ايماق انار لەپەسوۆا

ۆولەيبولدان جارىس كەزىندە جاس مۇعالىم مەرت بولدى

پاۆلودار وبلىسىندا جارىس كەزىندە 25 جاستاعى تاريح ءپانىنىڭ مۇعالىمى قايتىس بولدى، دەپ حابارلايدى  pavlodarnews.kz.

قايعىلى وقيعا اققۋلى اۋدانى مايقاراعاي اۋىلىندا بولدى. مارقۇمنىڭ ارىپتەستەرىنىڭ سوزىنشە، پەداگوگ اۋداندىق كاسىپوداق جىل سايىن وتكىزەتىن ۆولەيبولدان ءداستۇرلى تۋرنير بارىسىندا كوز جۇمدى.

«25 جاستاعى يلدار ۆاحيتوۆ توپتىڭ كوشباسشىسى رەتىندە نەگىزگى قۇرامدا وينادى. بىراق ءبىرشاما ۋاقىتتان كەيىن ءوزىن جايسىز سەزىندى، قان قىسىمى كوتەرىلىپ، قوسالقى ويىنشىلاردىڭ قاتارىنا بارىپ وتىردى. تۋرنيردە كەزەكشىلىك اتقارعان مەديتسينالىق قىزمەتكەرلەر وعان العاشقى كومەك كورسەتتى. الايدا، ونىڭ جاعدايى كۇرت ناشارلاي ءتۇستى. اۋىلدان اۋداندىق اۋرۋحاناعا دەيىن – 100 شاقىرىم. وكىنىشكە قاراي، يلداردى وعان جەتكىزىپ ۇلگەرمەدىك. بولعان وقيعاعا وكىنىش بىلدىرەمىز. ول بارلىعىمىز ءۇشىن دوس بولدى. بارلىعىمىز ءۇشىن بۇل ۇلكەن سوققى»، - دەدى جامبىل اتىنداعى مەكتەپتىڭ ديرەكتورى قانات سۇلتانعازين.

جاس ۇستاز وتباسىنداعى جالعىز بالا بولعان. ارتىندا جارى مەن ءبىر جاسار بالاسى قالدى. بيىلعى 10 قاراشادا يلدار 26 جاسقا تولار ەدى. ونىڭ تانىستارىنىڭ ايتۋىنشا، بيىل يلدار ۆاحيتوۆ پاۆلوداردا مەديتسينالىق تەكسەرۋدەن وتكەن. دارىگەرلەر بۇيرەگىندە ترومبتىڭ بارىن انىقتاعان.

«بىلۋىمىزشە، وعان ارنايى ەم-دوم تاعايىندالعان. ول مامانداردىڭ ايتقانىن قاتاڭ ورىنداپ، تۇراقتى تۇردە پروتسەدۋرالارعا بارىپ تۇردى. شۋنتيروۆانيە بويىنشا شۇعىل وپەراتسيانىڭ قاجەتى بولعان جوق. بىراق ول ءجيى قان قىسىمىنىڭ جوعارىلىعىنا شاعىمداناتىن»، - دەدى ارىپتەستەرى.

 

سوڭعى جاڭالىقتار