31 قازان, 15:36 366 0 زاڭ انار لەپەسوۆا

نۇر-سۇلتانداعى LRT قۇرىلىسى: 6 كۇدىكتى بار

نۇر-سۇلتاندا LRT كولىگىنىڭ قۇرىلىسىنا قاتىستى اقشا جىمقىرۋ ءىسى بويىنشا التى كۇدىكتى بار. ولاردىڭ تورتەۋى – اكىمدىكتىڭ بۇرىنعى قىزمەتكەرلەرى، بارلىعى باسشىلىق قىزمەتتە بولعان. بۇل تۋرالى سىبايلاس جەمقورلىققا قارسى كۇرەس قىزمەتىنىڭ ەكىنشى دەپارتامەنتىنىڭ باسشىسى سەرگەي پەروۆ ايتتى، دەپ حابارلايدى Tengrinews.kz.

«تەرگەۋ جالعاسىپ جاتىر. ساراپتامالار اياقتالۋعا جاقىن قالدى. كەلتىرىلگەن شىعىن دا ارتتى، ميلليارد تەڭگەدەن اسادى. بۇگىندە التى ادام وسى ءىس بويىنشا كۇدىكتى، ولاردىڭ تورتەۋى اكىمدىكتىڭ لاۋازىمدى تۇلعالارى بولعان»، – دەدى پەروۆ.

ونىڭ ايتۋىنشا، كۇدىكتىلەردى ءالى ۇستاعان جوق. ولاردىڭ ءبىرى – Astana LRT كومپانياسىنىڭ ەكس-باسشىسى تالعات اردان، قازىر ينتەرپول وعان حالىقارالىق ىزدەۋ جاريالادى.

 

سوڭعى جاڭالىقتار