31 قازان, 12:40 371 0 ايماق انار لەپەسوۆا

جىل سوڭىنا دەيىن الماتىدا 400 «سەرگەك» ورناتىلادى

بيىلعى جىلدىڭ 9 ايىنىڭ قورىتىندىسى بويىنشا قابىلدانعان شارالاردىڭ ناتيجەسىندە الماتىدا جول – كولىك وقيعالارى مەن جاراقات الۋ فاكتىلەرى ازايعان. بۇل تۋرالى قالالىق پوليتسيا دەپارتامەنتى حابارلادى. 

«مەگاپوليستە جول-كولىك وقيعالارىن الدىن-الۋ جانە ازايتۋ ماقساتىندا «جول قاۋىپسىزدىگى» اۆتوماتتاندىرىلعان اقپاراتتىق جۇيە ىسكە قوسىلدى. سونداي-اق، 108 بەكەت جۇمىس ىستەيدى. جىل سوڭىنا دەيىن 400 «سەرگەك» ورناتىلادى. وسىلايشا، قالانىڭ بارلىق قيىلىستارى بەينەباقىلاۋ جۇيەلەرىمەن جابدىقتالاتىن بولادى، بۇل جازاتايىم وقيعالاردىڭ سانىن 30%-عا ازايتۋعا مۇمكىندىك بەرەدى. قالادا 1 800 جول قيىلىسى بار»، - دەپ حابارلادى پوليتسيادان.

سونىمەن قاتار، قالانىڭ قاۋىپتى ۋچاسكەلەرىندە جازاتايىم وقيعالاردىڭ الدىن الۋ جانە بولدىرماۋ ماقساتىندا پوليتسيا كولىكتەرى مەن جولدان ءوتىپ بارا جاتقان بالالاردىڭ ماكەتى قويىلعان. بۇدان بولەك، قالا اكىمدىگىمەن بىرگە قاراڭعى كوشەلەر مەن قيىلىستاردى جارىقتاندىرۋ بويىنشا شارالار قابىلداندى.

ەسكە سالساق، مەگوپوليستىڭ الەۋمەتتىك-ەكونوميكالىق دامۋىنا ارنالعان كەڭەستە مەملەكەت باسشىسى قاسىم-جومارت توقاەۆ الماتى قالاسىندا ءجيى بولاتىن جول-كولىك وقيعالارىنا نازار اۋدارىپ، ماس جۇرگىزىۋشىلەردى قاتاڭ جازالاۋدى تاپسىردى.

 

سوڭعى جاڭالىقتار