28 قازان, 12:43 401 0 سپورت انار لەپەسوۆا

VII بۇكىلالەمدىك اسكەري-سپورتتىق ويىندار: قازاقستان قۇراماسى 12-ورىننان كورىندى

قىتايدىڭ ۋحان قالاسىندا بۇكىلالەمدىك اسكەري-سپورتتىق ويىندار ءوز مارەسىنە جەتتى. دودا ناتيجەسى بويىنشا قازاقستان سپورتشىلارى 12 مەدالمەن 12-ورىننان كورىندى. 

1995 جىلدان بەرى ءتورت جىلدا ءبىر وتەتىن كەشەندى سىن بيىل جەتىنشى مارتە ۇيىمداستىرىلدى. قىتاي ەلى اسكەري سپورتشىلاردىڭ سايىسىن وليمپيادادان كەم وتكىزگەن جوق. الەمنىڭ 109 ەلىنەن جينالعان 9 مىڭنان اسا سپورتشى 10 كۇن بويى 27 سايىس تۇرىنەن باسەكەگە ءتۇستى.

ايتۋلى سىنعا قازاقستان قارۋلى كۇشتەرىنىڭ دە قۇراماسى قاتىستى. ءبىزدىڭ ەلدىڭ اسكەري سپورتشىلارى 4 التىن، 3 كۇمىس، 5 قولا مەدال ۇتىپ، جالپى كوماندالىق ەسەپتە 12-ورىنعا جايعاستى. تاەكۆوندوشى رۋسلان جاپاروۆ، جەڭىل اتلەت ولگا رىپاكوۆا جانە بوكسشىلار تەمىرتاس ءجۇسىپوۆ پەن اسلانبەك شىمبەرگەنوۆ بۇكىلالەمدىك اسكەري ويىنداردىڭ چەمپيونى اتاندى.

اسكەريلەردىڭ كەشەندى سايىسى 1995 جىلدان بەرى ءوتىپ كەلەدى.

سوڭعى جاڭالىقتار