21 قازان, 21:59 341 0 ساياسات انار لەپەسوۆا

مەملەكەت باسشىسى جاقىپ اسانوۆتى قابىلدادى

مەملەكەت باسشىسى جوعارعى سوت توراعاسى جاقىپ اسانوۆتى قابىلدادى، دەپ حابارلادى اقوردانىڭ ءباسپاسوز قىزمەتى.

قازاقستان پرەزيدەنتىنە بيىلعى 9 اي ىشىندەگى جوعارعى سوت قىزمەتىنىڭ قورىتىندىلارى مەن سوت جۇيەسىن جەتىلدىرۋ بويىنشا جۇرگىزىلگەن جۇمىستار جونىندە مالىمەت بەرىلدى. 

"قاسىم-جومارت توقاەۆقا سۋديالاردى ىرىكتەۋ جۇيەسىن جاقسارتۋ، بىرىڭعاي سوت تاجىريبەسىن قامتاماسىز ەتۋ، سوت تورەلىگىن جاڭعىرتۋ، سونىڭ ىشىندە سوتتان تىس تاتۋلاسۋ ورتالىقتارىن قۇرۋ، وتباسى سوتتارى مەن فرونت-وفيستەر جايىندا اتقارىلعان شارالار تۋرالى باياندالدى", - دەلىنگەن تاراتىلعان حابارلامادا. مەملەكەت باسشىسى حالىقتىڭ سوت جۇمىسىنا دەگەن سەنىمىن ارتتىرۋ، ازاماتتاردىڭ ءوتىنىش-شاعىمدارىن ءادىل قاراۋ، شىعارىلاتىن سوت شەشىمدەرىنىڭ ساپاسىن جاقسارتۋ قاجەتتىگىن ايتتى. 

پرەزيدەنت سۋديالاردىڭ جۇكتەمەسىن ازايتۋ جانە سوت شەشىمدەرىنىڭ ساپاسىنا كەرى اسەر ەتەتىن ولارعا قاتىسى جوق ىستەردەن بوساتۋ جونىندە شارالار قابىلداۋدى تاپسىردى، سونداي-اق، سۋديالار كورپۋسىنىڭ قۇزىرەتتىلىگىن ارتتىرۋ جۇمىستارىن جالعاستىرۋدىڭ ماڭىزدىلىعىنا نازار اۋداردى. 

سوڭعى جاڭالىقتار