21 قازان, 21:56 355 0 الەۋمەت انار لەپەسوۆا

الماتىدا №92 باعىتتاعى اۆتوبۋستار تولىق جاڭاردى

قالا تۇرعىندارىنىڭ كوپتەگەن وتىنىشتەرى بويىنشا №92 باعىت 12 مەترلى 20 جاڭا اۆتوبۋستارمەن تولىقتى. 100%-عا جاڭارعان جىلجىمالى سوستاۆ قالا كوشەلەرىنە شىقتى. بۇل تۋرالى قالا اكىمدىگى حابارلادى.

بارلىق كولىكتەر تومەن ەدەندى، سىيىمدىلىعى ۇلكەن ءارى قالا جولاۋشىلارىن تاسىمالداۋ ءۇشىن ارنايى جاسالعان. اۆتوبۋستار تابيعي گازبەن جۇرەدى، كونديتسيونەر جانە ۆيدەوباقىلاۋ ورناتىلعان. سىيىمدىلىعى - 104 ادام، وتىراتىن 22 ورىن جانە قيمىلى شەكتەۋلى جاندار ءۇشىن 3 ورىن بار.

بۇدان وزگە، №92 باعىت قالا ورتالىعىنا قاتىناۋ ءۇشىن تۇركسىب، المالى جانە اۋەزوۆ اۋدان تۇرعىندارى ءۇشىن ىڭعايلى، سوڭعى ايالداماسى بولىپ "حالىقارالىق الماتى اۋەجايى" بەلگىلەندى.

سوڭعى جاڭالىقتار