20 قازان, 11:45 379 0 ادەبيەت انار لەپەسوۆا

باقىتجان ساعىنتاەۆ الماتىلىق قالامگەرلەرگە گرانت تابىستادى

الماتىدا قالا اكىمى باقىتجان ساعىنتاەۆ جازۋشىلار قاۋىمىمەن كەزدەسىپ، ولارعا اتاۋلى گرانتتاردى تابىستادى.

گرانتقا ۇمىتكەرلەردى قازاقستان جازۋشىلار وداعىنىڭ كوميسسياسى انىقتادى. گرانت سوماسى – 500 مىڭ تەڭگە.

اكىمنىڭ گرانتتارىن العاندار ىشىندە دراماتۋرگ سوفى سماتاەۆ، جازۋشى تەمىرحان مەدەتبەك، اقىندار يسرايل ساپارباي، نادەجدا چەرنوۆا، پاتيگۇل ماقساتوۆا، ليۋبوۆ شاشكوۆا، دۋمان رامازان، ديدار امانتاي، قالماحامبەت مۇقامەتقالي، جاس قالامگەرلەر قانات ابىلقايىر، قانات تىلەۋحان، ماقسات رامازان، دينارا مالىك، دارحان بەيسەنبەكۇلى، دوسحان جىلقىباي، يرينا گۋمىركينا، اۋدارماشى نينا سكالوۆسكايا، سىنشى باعاشار ارىقباەۆ جانە باسقا دا قالامگەرلەر بار.

كەزدەسۋدە قالا اكىمى اعىمداعى جىلى قازاقستان جازۋشىلار وداعىنىڭ تاريحي عيماراتىن جوندەۋ باستالاتىنىن، نىساننىڭ بۇرىنعى ساۋلەت كوركىن ساقتاۋ باستى شارتتىڭ ءبىرى ەكەنىن اتاپ ءوتتى. كەلەر جىلى ادەبيەتشىلەر ءۇيىن جوندەۋدەن وتكىزۋ جوسپارلانعان. «2021 جىلى ءبىز ەل تاۋەلسىزدىگىنىڭ 30 جىلدىعىن اتاپ وتەمىز، كەلەر جىلى – ۇلى اباي مەن ءال-ءفارابيدىڭ مەرەيتويلارى. سىزدەردىڭ ستسەناريلەردى، قويىلىمداردى، ادەبي شىعارمانى ازىرلەۋگە قوساتىن ۇلەستىرىڭىز وتە باعالى»، - دەدى ب.ساعىنتاەۆ، سونىمەن قاتار ول قوعامعا رۋحاني باعداردىڭ قاجەت ەكەنىن اتاپ ءوتتى.

ءوز كەزەگىندە قازاقستان جازۋشىلار وداعىنىڭ توراعاسى ۇلىقبەك ەسداۋلەت قولداۋعا، اسىرەسە جاس جازۋشىلارعا كورسەتىلگەن سەنىمگە العىس ءسوزىن ايتىپ، ريزاشىلىعىن ءبىلدىردى. «بىزگە، حالىقتىڭ وكىلى رەتىندە اكىمنىڭ ەستۋى ماڭىزدى، دەمەك ول قالالىقتاردىڭ قاجەتتىلىكتەرى مەن ءۇمىت-نيەتىن بىلەدى دەگەن ءسوز. ءبىز ءوز تاراپىمىزدان قالا قوعامداستىعىن دامىتۋعا ءوز ۇلەسىمىزدى قوسۋ ءۇشىن بارلىق مۇمكىندىكتەردى جاسايتىن بولامىز»، - دەدى ۇ. ەسداۋلەت.

 

سوڭعى جاڭالىقتار