20 قازان, 11:29 352 0 الەۋمەت انار لەپەسوۆا

نازارباەۆ مەكتەبىنىڭ وقۋشىلارى زاعيپ جاندارعا ارنالعان ءموبيلدى قوسىمشا جاساپ شىعاردى

اقتوبەدەگى نازارباەۆ زياتكەرلىك مەكتەبىنىڭ وقۋشىلارى كورۋ قابىلەتى ناشار جاندارعا ارنالعان ءموبيلدى قوسىمشا مەن باعىت بەرەتىن تاياق ويلاپ تاپتى.

قوسىمشانىڭ كومەگى مول. ەگەر تەلەفون كامەراسىن كىتاپتاعى نەمەسە انىقتاماداعى ماتىنگە باعىتتاساڭىز، ول داۋىستاپ وقي جونەلەدى. ال ادامعا، سونداي-اق كەز-كەلگەن زاتقا تۇسىرسە ونىڭ ءتۇر-ءتۇسىن، جىنىسىن، ءتىپتى كوڭىل-كۇيىن سيپاتتاپ بەرەدى.

ال ەكىنشى قۇرىلعى - زاعيپ جانداردىڭ ءجۇرىس-ءتۇرىسىنا ارنالعان ناۆيگاتسيالىق جۇيەمەن جۇمىس ىستەيتىن تاياق. ول ادامنىڭ تۇرعان جەرىن انىقتاپ، ءارى قاراي ءجۇرۋدىڭ باعىتىن كورسەتەدى. الايدا وقۋشىلاردىڭ بۇل ونەرتابىسى كوشەلەر مەن عيماراتتاردا، ەمحانالاردا جانە وزگە دە الەۋمەتتىك نىسانداردا كەڭىنەن قولدانىلۋى ءۇشىن ارنايى مودۋلدەر ورناتىلۋى قاجەت ەكەن. سوندا عانا كوزى ناشار كورەتىن جاندار ەشكىمنىڭ كومەگىنسىز جۇرە الادى.

ء"بىزدىڭ بۇل جوبامىز ۆيبراتسيا ارقىلى قاي جاققا بۇرىلۋ كەرەكتىگىن ايتادى جانە دە بىزدەر سول ادامدى كەرەك جەرىنە جەتكىزەمىز. جوبانىڭ نەگىزگى ماقساتى كوزى ناشار كورەتىن زاعيپ جانداردى تاۋەلسىز ەتۋ. ياعني قازىرگى كەزدە ولار باسقا ادامداردان نەمەسە باسقا ادامداردىڭ كومەگى كەرەك نەمەسە ولاردا وتە كوپ قيىندىقتار تۋىندايدى. ال بۇل قۇرىلعى سول ماسەلەلەردى شەشۋگە باعىتتالعان", - دەيدى نازارباەۆ زياتكەرلىك مەكتەبىنىڭ وقۋشىسى اسان قوجين.  

 

سوڭعى جاڭالىقتار