18 قازان, 10:56 367 0 ايماق انار لەپەسوۆا

وسكەمەندى سۋ باستى

سوڭعى ەكى تاۋلىكتە توقتاۋسىز جاۋعان جاڭبىردىڭ كەسىرىنەن وسكەمەن قالاسىنىڭ كوشەلەرىن سۋ باستى، دەپ حابارلايدى 24.kz.

كوشە بويىنداعى سۋاعارلار مەن قۇبىرلار تولاسسىز قۇيىلعان سۋدى وتكىزىپ ۇلگەرمەي جاتىر. كەيبىر كوشەلەردە تاڭەرتەڭ كولىك كەپتەلىسى تۋىنداعان. 

قالا اكىمىنىڭ ايتۋىنشا، كوكتەم، كۇز ايلارىندا قار مەن جاڭبىر سۋى كوپ جينالاتىن 5 اۋماق بار. بيىل سول جەرلەردەگى سۋاعارلاردى جوندەپ، ارنايى سورعىلار ورناتۋ ءۇشىن 40 ملن تەڭگە بولىنگەن. 

"تۇرعىنداردىڭ جانىنا باتاتىن 23 جەر بار. ءبىز جۇمىستى باستادىق، ونىڭ 5-دە اياقتادىق. وسى جۇمىستارعا قالالىق بيۋدجەتتەن 40 ملن تەڭگە قاراستىرعانبىز. سول قاراجات ەسەبىنەن قازىر جۇمىس ىستەپ جاتىرمىز. كەلەسى جىلى وسى ءىستى تولىق اياقتاۋىمىز كەرەك", - دەدى وسكەمەن قالاسىنىڭ اكىمى جاقسىلىق ومار.

سوڭعى جاڭالىقتار