16 قازان, 12:48 330 0 زاڭ انار لەپەسوۆا

ەلوردا ماڭىنان ولەكسەسى تابىلعان 46 جىلقىنى مينيسترلىك قىزمەتكەرى ۇرلاعان

جىلقى ۇرلىعىنا قورعانىس مينيسترلىگى قىزمەتكەرىنىڭ قاتىسى بولۋى مۇمكىن. اقمولالىق پوليتسەيلەر نۇرسۇلتان قالاسى ماڭىنان ولەكسەسى تابىلعان 46 باس جىلقىنى ۇرلادى دەگەن كۇدىكپەن ەكى ادامدى ۇستادى.

"كۇدىكتىلەر ۇرلانعان جىلقىنى ارشالىدان ەلوردانىڭ كوكتال شاعىن اۋدانىنا اپارۋعا مان جۇك كولىگىنە ارتقان. جان جاعى بىتەۋ كولىكتە مۇنشاما مال شىداماسا كەرەك، تۇنشىعىپ ولگەن. ساسقانىنان ولەكسەلەردى لاقتىرىپ كەتكەن", - دەيدى اقمولا وبلىستىق پد كريمينالدىق پوليتسيا باسقارماسى باستىعىنىڭ مىندەتىن اتقارۋشى جانات جىلقىباەۆ.

كۇدىكتىنىڭ ءبىرى 26 جاستاعى تسەلينوگراد اۋدانىنىڭ تۇرعىنى دا، ەكىنشىسى 41 جاستاعى مينيسترلىك قىزمەتكەرى ەكەن. ول قورعانىس مينيسترلىگىندە دارداي ءبولىم باستىعى بولعان. جىلقى ۇرلادى دەگەن كۇدىككە ىلىككەن قىزمەتكەر وسىدان ءبىر اپتا بۇرىن عانا مينيسترلىكتەن قۋىلىپتى.

ەلوردا ماڭىنان 28 باس جىلقىنىڭ ولەكسەسى تابىلعان ەدى. مالىنان ايىرىلعان ەرەيمەنتاۋلىق كاسىپكەردىڭ ارىزى بويىنشا پوليتسيا تەكسەرىسى كەزىندە تاعى 18 ولەكسە قوياندى اۋىلىنىڭ ماڭىنان تابىلدى، دەپ حابارلادى كتك.

قازىر ەكى كۇدىكتىنى ەرەيمەنتاۋ اۋداندىق سوتى ەكى ايعا اباقتىعا جاپتى. ولاردىڭ 150 شاقىرىم جەردى ەش كەدەرگىسىز وتۋىنە مينيسترلىك قىزمەتكەرى بەدەلىن سالسا كەرەك. ول دجيپ كولىگىمەن الدا ءجۇرىپ وتىرعان.

 

سوڭعى جاڭالىقتار