15 قازان, 20:38 260 0 نارىق انار لەپەسوۆا

تسيفرلاندىرۋ 3 مىڭنان استام ادامدى جۇمىسسىز قالدىرۋى مۇمكىن

ەڭبەك جانە حالىقتى الەۋمەتتىك قورعاۋ مينيسترلىگى تسيفرلاندىرۋ وندىرىسىنە بايلانىستى 2025 جىلعا قاراي قازاقستاندا 3,2 مىڭ جۇمىس ورنى بوسايتىنىن ايتتى، دەپ حابارلايدى LS باسىلىمى.

ۆەدومستۆانىڭ مالىمەتىنشە، مۇنداي كورسەتكىش اتىراۋ، قاراعاندى، پاۆلودار، قىزىلوردا جانە قوستاناي وبلىستارىندا بولادى دەپ كۇتىلۋدە.

سونداي-اق، مينيسترلىك تسيفرلاندىرۋ مەن اۆتوماتتاندىرۋعا بايلانىستى 2018 جىلى 2,1 مىڭ ادام جۇمىستان بوساتىلعانىن مالىمدەدى. جىل سوڭىنا دەيىن مۇناي مەن گاز، مەتال ءوندىرۋ جانە تاۋ-كەن ءوندىرىسى بويىنشا تاعى 71 جۇمىسشى بوساتىلادى دەپ جوسپارلانۋدا.

تسيفرلاندىرۋ ەلدەگى جۇمىسسىزدار سانىنىڭ وسۋىنە اسەر ەتپەس ءۇشىن ەڭبەك جانە حالىقتى الەۋمەتتىك قورعاۋ مينيسترلىگى ءىرى كاسىپورىندارمەن بىرگە جول كارتاسىن ازىرلەۋدە. ياعني، جۇمىستان بوساعان جۇمىسشىلاردى وزگە سالاعا جۇمىسقا ورنالاستىرۋ ءۇشىن قايتا دايىندىقتان وتكىزبەك.

سوڭعى جاڭالىقتار