15 قازان, 10:32 271 0 دەنساۋلىق انار لەپەسوۆا

"اناليزدار ەشقاشان تەكسەرىلگەن ەمەس": شىمكەنتتەگى بالالار اۋرۋحاناسىنىڭ زەرتحاناشىلارى مەكەمەدەگى سۇمدىقتىڭ بەتىن اشتى

شىمكەنتتەگى بالالار اۋرۋحاناسىنان شۋ شىقتى. زەرتحانانىڭ قوس قىزمەتكەرى اۋرۋحانادا اقىلى جاسالعان ساراپتاما قورىتىندىلارى جالعان دەپ مالىمدەدى. ءتىپتى مەرزىمى وتكەن دارىلەر قولدانىلىپ كەلگەن.  

شىمكەنتتەگى كلينيكالىق بالالار اۋرۋحاناسىنىڭ قوس زەرتحاناشىسى جاعا ۇستاتارلىق جاعدايعا كۋا بولعانىنا جىلدان اسقانىن ايتادى. ءبىرى دارىگەر-لابورانت، ەكىنشىسى فەلدشەر-زەرتحاناشى بولىپ جۇمىس ىستەيدى. ايتۋلارىنشا، بۇل جەردە وزگە ەمحانالاردىڭ دا اناليزدەرى تالدانادى، دەپ حابارلادى "استانا" ارناسى.

"قالانىڭ بارلىق ەمحاناسى كەلىسىمشارتقا تۇرادى. ولار بىزگە اناليز جاساپ بەرۋ ءۇشىن اقشا اۋدارادى، مۇگەدەك بالالار، جۇكتى ايەلدەر، ەرەسەكتەر، بالالار – بارلىق اناليز كەلەدى. بىراق ونى وتىرىك قابىلداپ العان بولادى دا، كەتكەسىن ول قوقىسقا تاستايدى", - دەيدى دارىگەر-لابورانت راۋشان تورەگەلديەۆا.  

ونىڭ ايتۋىنشا، تالداۋ قورىتىندىسى الۋعا كەلگەندەرگە قولدان جالعان اقپارات جازىپ بەرىپ وتىرعان.

"انتيبيوتيكتى سەزگىشتىك، باكتەريانىڭ بار-جوعى تۋرالى مالىمەتتىڭ ءبارى وتىرىك، ويىنا نە كەلەدى سونى جازىپ وتىرعان. تەكسەرۋ ەشقاشان بولعان ەمەس، اناليز ىستەلىنبەگەن",- دەپ تولىقتىردى ول.

ولار ساراپتاما جاسالعان كۇندە دە، ساقتاۋ مەرزىمى الدەقاشان ءوتىپ كەتكەن پرەپاراتتار قولدانىلىپ كەلگەنىن ايتىپ وتىر. ولاردىڭ ساقتاۋ كۇنىن جاسىرۋ ءۇشىن قاعازىن ءوشىرىپ، جاڭاسىن جاپسىرعان كورىنەدى. دالەل رەتىندە بەينەجازبانى ۇسىندى.

ء"بىز زەرتحانادا ينفەكتسيالاردى ءوسىرۋ جولىمەن بالانىڭ قانداي انتيبيوتيكتەرگە سەزىمتال ەكەنىن انىقتايمىز. ءسويتىپ قانداي انتيبيوتيك اسەر ەتەتىنىن ايتىپ بەرەمىز. مەرزىمى ءوتىپ كەتكەن ءدارىنىڭ كۇشى بولمايدى، باكتەريالار جاقسى وسپەيدى. اناليز دۇرىس بەرىلمەيدى", - دەيدى فەلدشەر-لابورانت  گۇلنار سارسەنباەۆا.

دەنساۋلىق ساقتاۋ باسقارماسىنىڭ باسشىسى ماسەلەنى باقىلاۋىنا الدى. قىزمەتتىك تەكسەرىس تە باستالعان. ول بۇل جازبا الدەكىمدەردىڭ ارانداتۋى بولۋى مۇمكىن دەپ توپشىلايدى.

"نەعىلعان قۇتى ەكەنىن سۇراتتىم، تىركەۋ ءنومىرى بويىنشا تەكسەرگەندە بۇل تاۋارلار ءبىزدىڭ رەەستردە تىركەلمەگەنى انىقتالدى. دەمەك ول قۇتىلاردى سىرتتان اكەلگەن بولۋى مۇمكىن. سوعان قاراپ، الدىن الا مەن بۇنى الدەكىمدەردىڭ ارانداتۋى دەپ ويلاپ وتىرمىن", - دەپ شىمكەنت قالالىق دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ.

قازىر وسى ءىستىڭ اق-قاراسىن انىقتاۋعا پوليتسيا مەن پروكۋراتۋرا دا جۇمىلدىرىلدى. شىمكەنتتىڭ باس دارىگەرى ەگەر قولدان ۇيىمداستىرىلعانى انىقتالسا، كىنالىلەردىڭ بارىنشا قاتاڭ جازالانۋىن تالاپ ەتەمىن دەپ وتىر.

 

سوڭعى جاڭالىقتار