14 قازان, 20:35 396 0 الەۋمەت انار لەپەسوۆا

نۇر-سۇلتاندا 9 ايدا مۇمكىندىگى شەكتەۋلى 507 ازامات جۇمىسقا ورنالاستى

جىل باسىنان بەرى نۇر-سۇلتاندا 507 مۇمكىندىگى شەكتەۋلى جان جۇمىسقا ورنالاستى، دەپ حابارلادى ەلوردا اكىمدىگىنىڭ رەسمي سايتى.

مۇگەدەكتەردى جۇمىسقا ورنالاستىرۋدىڭ نەگىزگى فورماسى جۇمىس ورىندارىن كۆوتالاۋ. زاڭعا سايكەس، كۆوتا كاسىپورىن جۇمىسشىلارىنىڭ جالپى سانىنىڭ 2-دەن 4 پايىزىنا دەيىن بەلگىلەنەدى. كۆوتالاۋدان بولەك، مۇمكىندىگى شەكتەۋلى ازاماتتاردى جۇمىسقا ورنالاستىرۋ ماقساتىندا بوس جۇمىس ورىندارىنىڭ جارمەڭكەسى ۇيىمداستىرىلىپ تۇرادى. ماسەلەن اعىمداعى جىلدىڭ 9 ايىندا 20 بوس جۇمىس ورىندارىنىڭ جارمەڭكەسى ءوتتى. 

"ونىڭ ىشىندە مۇمكىندىگى شەكتەۋلى جاندار مەن تۇزەتۋ مەكەمەسىنەن بوساپ شىققان جانە پروباتسيا قىزمەتىندە ەسەپتە تۇرعان ازاماتتار ءۇشىن دە وتكىزىلدى. جۇمىسسىزدىقتان الەۋمەتتىك قورعاۋ شەڭبەرىندە 30-دان استام ادام ەلەكتر دانەكەرلەۋ، ۆيدەوگرافيكا، انيماتسيا جانە باسكا ماماندىقتار بويىنشا قىسقا مەرزىمدى كۋرستان ءوتتى", - دەلىنگەن تارتىلعان اقپاراتتا. 

ال ەلوردانىڭ مۇمكىندىگى شەكتەۋلى ەكى تۇرعىنى ءوز بيزنەس يدەياسىن جۇزەگە اسىرۋعا 100 اەك كولەمىندە  (252 500 تەڭگە)  گرانتقا يە بولدى.

سوڭعى جاڭالىقتار