14 قازان, 15:15 311 0 ساياسات انار لەپەسوۆا

مەملەكەت باسشىسى ەرلان سايروۆ پەن مۇحتار تايجاندى قابىلدادى

قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەلەرى ەرلان سايروۆ پەن مۇحتار تايجاندى قابىلدادى، دەپ حابارلايدى اقوردا.

ەرلان سايروۆپەن اڭگىمە بارىسىندا ەلىمىزدەگى قوعامدىق-ساياسي جاعداي جانە الەۋمەتتىك-رۋحاني ماسەلەلەر، مەملەكەتتىڭ ايماقتىق دامۋى تالقىلاندى.

سونىمەن قاتار كەزدەسۋدە پرەزيدەنتتىڭ قازاقستان حالقىنا جولداۋىنىڭ باسىم باعىتتارى، ەلىمىزدىڭ كەيبىر شەكارالىق اۋداندارىنىڭ دامۋى، كوپبالالى وتباسىلاردى باسپانامەن قامتۋ جانە جاس ۇرپاققا ساپالى ءبىلىم بەرۋ جاعدايى ءسوز بولدى.

مۇحتار تايجانمەن وتكەن كەزدەسۋدە جەر ماسەلەسى، اسكەري-پاتريوتتىق تاربيە بەرۋ، قىلمىستىق جازاسىن وتەگەن ازاماتتاردى جۇمىسقا ورنالاستىرۋ جايى قوزعالدى. سونداي-اق كەزدەسۋ بارىسىندا وڭىرلەردەگى ازاماتتاردى باسپانامەن جانە جۇمىسپەن قامتۋ، جول سالۋ، ەكولوگيا ماسەلەلەرى ايتىلدى.

 

سوڭعى جاڭالىقتار