14 قازان, 12:31 283 0 الەۋمەت انار لەپەسوۆا

ورالدا قوقىس جاشىگىنەن تابىلعان ءسابيدىڭ اناسى دارەتحانادا بوسانعانىن ايتتى

ورالدا جاڭا تۋعان ءسابيىن قوقىس جاشىگىنە تاستاعان ايەلدىڭ وقيعاسى قازاقستاندىقتاردىڭ جاعاسىن ۇستاتقان ەدى. باۋىر ەتىن ولىمگە قيعان ايەل انىقتالىپ، ۇستالدى. ايتۋىنشا، ايەل دارەتحانادا بوسانىپ قالىپ، ءسابيى ءولى تۋعان. بۇل تۋرالى «استانا» ارناسى حابارلادى. 

شاقالاقتىڭ ءولى دەنەسىن جەرگىلىكتى تۇرعىن تاۋىپ الىپ، بىردەن پوليتسيا شاقىرىپتى. انىقتالعانداي، پەرزەنتىن ولىمگە قيعان ايەلدىڭ 4 بالاسى بار.

قازىرگى ۋاقىتتا شاقالاق ءولىمىنىڭ سەبەبى انىقتالۋدا.

«اباي اۋداندىق پوليتسيا ءبولىمىنىڭ قىزمەتكەرلەرى جەدەل ىزدەستىرۋ شارالارىنىڭ بارىسىندا ورال قالاسىنىڭ 1988 جىلعى تۇرعىنىن انىقتاپ، تۇتقىندادى. وقيعا ورنىنان سپورتتىق سومكە، كورپە، ەكى پاكەت جانە دوموفون مەن پاتەردىڭ ەكى كىلتى تاركىلەندى. بۇگىندە سوتقا دەيىنگى تەرگەۋ باستالدى», - دەيدى بقو پوليتسيا دەپارتامەنتىنىڭ ءباسپاسوز حاتشىسى بولاتبەك بەلگىبەكوۆ.

ەسكە سالا كەتسەك، بۇعان دەيىن ورالدا قوقىس جاشىگىنەن جاڭا تۋعان نارەستەنىڭ دەنەسى تابىلعان ەدى.

سوڭعى جاڭالىقتار