14 قازان, 11:01 286 0 زاڭ انار لەپەسوۆا

ءىىم: بيشىمباەۆتىڭ وتەلمەگەن قارىزى جوق

ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ قۋاندىق بيشىمباەۆتىڭ بوساتىلۋىنا قاتىستى پىكىر ءبىلدىردى، - دەپ حابارلايدى Tengrinews.kz. 

"ونىڭ جازانى جەڭىلدەتۋ تۋرالى ارىز بەرۋىنە قۇقىعى بولدى. ول ارىز بەردى، سوت بارلىق ءمان-جايدى ەسكەردى. سىزدەر سوت شەشىمىن قاراڭىزدار. سوت بارلىعىن ءتۇسىندىرىپ بەردى".

"4 جىل 8 ايعا ونىڭ جازاسى قىسقاردى، جوعارعى سوتتىڭ ۇكىمىن وقىپ كورىڭىزدەر. سوندا جازىلعان. ول ءتورت جىل 8 ايدىڭ ۇشتەن ەكى بولىگىن وتەدى، ءبىر جىلدان اسا ۋاقىت قالدى. مەنىڭ بىلۋىمشە، ءبىر جىل ءۇش اي. وسى ءبىر جىل ءۇش ايدى وعان ايىپپۇل رەتىندە الماستىردى", - دەدى مارات قوجاەۆ.

"بيشىمباەۆ كىناسىن مويىندادى ما؟" - دەگەن سۇراققا، ءىىم ءبىرىنشى ورىنباسارى ء"يا" دەپ جاۋاپ بەردى.  "قيىن دىمى دا جوق. جوعارعى سوت بارلىعىن ايتتى. كەلتىرىلگەن زالال مولشەرى (قارىز) ايتىلسا جانە جوعارعى سوت وسىنداي شەشىم قابىلداسا، بيشىمباەۆ وتەمەگەن قارىزدىڭ بولماعانى", - دەدى ول.

ەسكە سالا كەتەيىك، 2018 جىلدىڭ ناۋرىزىندا ۇلتتىق ەكونوميكا مينيسترلىگىنىڭ بۇرىنعى باسشىسى قۋاندىق بيشىمباەۆ 10 جىلعا باس بوستاندىعىنان ايىرىلعان بولاتىن.

ول پارا العانى جانە اقشا ۇرلاعانى ءۇشىن كىنالى دەپ تانىلعان.  سوت ءتورت ايدان استام ۋاقىتقا سوزىلدى. بيشىمباەۆپەن بىرگە تاعى 22 ادامنىڭ ءىسى قارالعان، ولار: "بايتەرەك DEVELOPMENT" اق-نىڭ بۇرىنعى قىزمەتكەرلەرى، كاسىپكەرلەر مەن قۇرىلىس كومپانيالارىنىڭ وكىلدەرى.

2019 جىلى اقپاندا بيشىمباەۆ شىمكەنت قالاسىنداعى ورتا قاۋىپسىزدىك مەكەمەسىنە اۋىستىرىلعان ەدى. وتكەن اپتادا ول بوستاندىققا شىقتى.

سوڭعى جاڭالىقتار