14 قازان, 10:26 248 0 جاڭالىقتار انار لەپەسوۆا

سقو-دا ەگىن القابىنىڭ 97 پايىزى ورىلدى. ناتيجە قانداي؟

سولتۇستىكقازاقستاندىق ديقاندار بيىل ورتا ەسەپپەن گەكتارىنان 16,8 تسەنتنەردەن استىق جينادى. اۋا رايى شارۋالار ءۇشىن قولايلى بولماعانمەن، ەگىن بىتىك شىقتى، دەپ حابارلايدى 24.kz.

بيىل وڭىردە بيداي 2,8 ميلليون گەكتارعا ەگىلدى. بۇگىندە 7 اۋداننىڭ ديقاندارى ماڭىزدى ناۋقاندى مەجەلەدى. جالپى القاپتىڭ 97%-دان استامى ورىلدى. قالعانى اۋا رايى قولبايلاۋ بولماسا، بەرنەشە كۇندە قامباعا قۇيىلادى.

"ليتسەنزيالى ەلەۆاتور جۇمىس ىستەپ جاتىر. وندا 827 مىڭ توننادان ارتىق استىق تيەلدى. جانە ول جۇمىس ءالى دە جالعاسۋدا. ەلەۆاتورداعى استىقتىڭ 37%-ءى ءۇشىنشى سۇرىپتى بيداي. بىلتىرعى جىلعا قاراعاندا ول 8%-كە ارتىق. بيىلعى جىلى اۋىل شارۋاشىلىعى تاۋار وندىرۋشىلەرىنە 41 ميلليارد تەڭگە سۋبسيديا تولەنۋ جوسپاردا بولسا، قازىرگى ۋاقىتتا ونىڭ 32 ميليلاردى تولەندى", - دەدى وبلىستىق اۋىل شارۋاشىلىعى باسقارماسىنىڭ مامانى نارگيز اقجىگىتوۆا.

باعا دا بيىل شارۋالاردى قۋانتىپ وتىر. ازىق-تۇلىك كورپوراتسياسى استىقتىڭ ءبىر تونناسىن 70-76 مىڭ تەڭگەدەن ساتىپ الىپ جاتىر. مۇنىمەن قوسا، سولتۇستىكتىڭ سارى التىنى وزبەكستان، تاجىكستان، يران، اۋعانستان ەلدەرىنە دە ەكسپورتتالادى.

سوڭعى جاڭالىقتار