14 قازان, 10:20 323 0 ەكونوميكا انار لەپەسوۆا

توعىز ايدا ونەركاسىپ ءوندىرىسى 3,3 پايىز وسكەن

ۇلتتىق ەكونوميكا ءمينيسترى رۋسلان دالەنوۆ ۇكىمەت وتىرىسىندا 9 ايدىڭ ەكونوميكالىق كورسەتكىشتەرىن جاريالادى. 

«قاڭتار-قىركۇيەكتە جالپى ىشكى ءونىم 4,3% ءوستى. ءوسۋ قۇرىلىستاعى، ساۋداداعى جانە كولىك سالاسىنداعى شىعارىلىمنىڭ ۇلعايۋىمەن قامتاماسىز ەتىلدى. نەگىزگى كاپيتالعا سالىنعان ينۆەستيتسيالار 9,7% ءوستى. قىركۇيەكتە جىلدىق ينفلياتسيا 5,3% قۇراپ، جوسپارلانعان ءدالىز شەگىندە ەكەنىن كورسەتتى. قاڭتار-تامىز ايلارىندا حالىقتىڭ ناقتى تابىستارى 6,7% ءوستى»، - دەپ ايتتى ۇلتتىق ەكونوميكا ءمينيسترى.

دالەنوۆ ونەركاسىپ ءوندىرىسى 9 ايدا 3,3% وسكەنىن ايتا كەتتى.

«وڭدەۋ ونەركاسىبى مەن كەن ءوندىرۋ ونەركاسىبى ءوسۋدىڭ درايۆەرلەرى بولدى. وندەۋ سالاسىندا ەڭ جوعارى وسۋگە جەڭىل ونەركاسىپتە ماشينا جاساۋدا، سۋسىندار وندىرىسىندە جانە فارماتسەۆتيكادا قول جەتكىزىلدى. كەن ءوندىرۋ ونەركاسىبىندە مەتالل رۋداسىن ءوندىرۋ 13,1% ءوستى. بۇل ءوسىم ءتۇستى مەتالل رۋداسىن ءوندىرۋدىڭ ۇلعايۋىمەن قامتاماسىز ەتىلدى. سونىمەن بىرگە، كومىر جانە مۇناي وندىرۋدە ءالى دە تومەندەۋ بايقالادى»، - دەدى مينيستر.

ونىڭ سوزىنشە، قۇرىلىس جۇمىستارىن جۇرگىزۋ 13,5%-عا دەيىن جەدەلدەپ، 8,8 ملن شارشى مەتر تۇرعىن ءۇي پايدالانۋعا بەرىلدى. ال اۋىل شارۋاشىلىعى سالالارىندا مال شارۋاشىلىعى ونىمدەرىنىڭ ءوندىرىسى 3,5%-عا ۇلعايدى. وسىمدىك شارۋاشىلىعى ءوندىرىسى 4%-عا تومەندەدى. ناتيجەسىندە اۋىل شارۋاشىلىعىندا 0,5% تومەندەۋ تىركەلدى.

«كورسەتىلەتىن قىزمەتتەر سالاسىندا ءوسۋ 4,4% قۇرادى. كوتەرمە ساۋدانىڭ ءوسۋى ەسەبىنەن ساۋدا كولەمدەرى 7,6%، جۇك اينالىمىنىڭ ەسەبىنەن كولىك قىزمەتتەرى 5,5% ءوستى. قاڭتار-تامىزدا سىرتقى ساۋدا اينالىمى 1,8% ءوسىپ، 62,1 ملرد دوللاردى، ونىڭ ىشىندە ەكسپورت كولەمى 37,6 ملرد دوللاردى، يمپورت 24,5 ملرد دوللاردى قۇرادى»، - دەدى مينيستر ۇكىمەت وتىرىسىندا.

 

سوڭعى جاڭالىقتار