11 قازان, 10:33 176 0 سپورت انار لەپەسوۆا

قازاقستان قۇراماسى كەلەر جىلى ەۋروپا چەمپيوناتىنا بارۋ مۇمكىندىگىنەن قاعىلدى

كەشە  ءوز الاڭىندا كيپر فۋتبولشىلارىنان 1:2 ەسەبىمەن جەڭىلىپ قالعان قازاقستان قۇراماسى 2020 جىلعى ەۋروپا چەمپيوناتىنا بارۋ مۇمكىندىگىنەن تولىقتاي ايىرىلدى. بۇل تۋرالى Sports.kz حابارلادى. 

ءى توبىنداعى كوماندالاردىڭ رەتى جەتىنشى تۋردان كەيىن بىلاي: بەلگيادا 21 ۇپاي، رەسەيدە 18, كيپردە 10, قازاقستاندا 7, شوتلانديادا 6 ۇپاي، ال سان-مارينودا ۇپاي جوق. ەرەجە بويىنشا، ءار توپتان جوعارعى ورىنداردى العان ەكى كوماندا قۇرلىق چەمپيوناتىنىڭ فينالدىق كەزەڭىنە بارادى.

قازاقستان قازىردىڭ وزىندە ەكىنشى ورىنداعى رەسەيدەن 11 ۇپاي ارتتا. ىرىكتەۋ كەزەڭىنىڭ قالعان ءۇش ماتچىندا قازاقستان ەڭ كوبى 9 ۇپاي جيناۋى مۇمكىن.

ىرىكتەۋ كەزەڭىنىڭ اياعىنا دەيىن قازاقستان بەلگيامەن (13 قازان), سان-مارينومەن (16 قاراشا) جانە شوتلانديامەن (19 قاراشا) وينايدى.

 

 

سوڭعى جاڭالىقتار