11 قازان, 10:21 202 0 زاڭ انار لەپەسوۆا

مەملەكەت باسشىسى ەكى زاڭعا قول قويدى

قازاقستان پرەزيدەنتى قاسىم-جومارت توقاەۆ ەكى زاڭعا قول قويدى، دەپ حابارلايدى اقوردا.

ەسكى قۇجاتتاردان باس تارتۋ

ولاردىڭ ءبىرى – "2006 جىلدىڭ 3 قازانداعى قازاقستان ۇكىمەتى مەن رەسەي ۇكىمەتى اراسىنداعى قازاقستان - رەسەي شەكارا ماڭىنداعى اۋماق تۇرعىندارىنىڭ شەكارانى كەسىپ ءوتۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى" زاڭ.

ەندى قازاقستان-رەسەي شەكارا ماڭىندا ورنالاسقان قالالار مەن اۋىلداردىڭ تۇرعىندارى مەملەكەتتىك شەكارانى كەسىپ وتكەن كەزدە بۇرىنعىداي تىركەۋ كىتابىن ەمەس، مەكەنجاي انىقتاماسىن كورسەتەدى.

قازاقستاننىڭ ىشكى زاڭناماسىندا ازاماتتاردى تىركەۋ كىتابىنىڭ كۇشىن جويۋىنا جانە مەكەنجاي انىقتاماسىن ەنگىزۋىنە وراي، اتالعان كەلىسىمگە ءتيىستى وزگەرىستەر ەنگىزىلگەن بولاتىن.

يادرولىق زەرتتەۋلەر

پرەزيدەنت قول قويعان كەلەسى قۇجات - قازاقستان ۇكىمەتى مەن ەۋروپالىق يادرولىق زەرتتەۋلەر جونىندەگى ۇيىم (CERN) اراسىنداعى عىلىمي-تەحنيكالىق ىنتىماقتاستىققا قاتىستى حالىقارالىق ىنتىماقتاستىق تۋرالى كەلىسىمدى راتيفيكاتسيالاۋ تۋرالى" زاڭ.

ەنەرگەتيكا ءمينيسترى قانات بوزىمباەۆ قۇجاتتى پارلامەنتتە تانىستىرعان بولاتىن. كەلىسىمنىڭ ارقاسىندا قازاقستاندىق عالىمداردىڭ بىلىكتىلىگىن ارتادى دەپ كۇتىلىپ وتىر. جەرگىلىكتى عالىمدار ەۋروپالىق ۇيىممەن ارىپتەستىك ورناتقان الەمنىڭ 500 ۋنيۆەرسيتەتىندە ءبىلىمىن شىڭداۋعا مۇمكىندىك الادى.

كەلىسىمدە ارىپتەستىكتىڭ تەك اسكەري ەمەس ماقساتتا جۇزەگە اساتىنى كورسەتىلگەن.

 

سوڭعى جاڭالىقتار