10 قازان, 14:21 353 0 ءبىلىم انار لەپەسوۆا

سالىق تولەمەگەن ازاماتتاردىڭ بالالارى ۇبت تاپسىرا الا ما؟

الەۋمەتتىك جەلىلەردە سالىق بەرەشەگى بار ازاماتتاردىڭ بالالارى ۇلتتىق بىرىڭعاي تەستىلەۋگە قاتىسا المايدى دەگەن اقپارات تاراعان بولاتىن. وسىعان وراي قر مەملەكەتتىك كىرىستەر كوميتەتى رەسمي مالىمدەمە جاسادى.

«مۇلىك، جەر، كولىك سالىقتارىن تولەۋ مىندەتى قر سالىق كودەكسىندە بەكىتىلگەن. الايدا، اتالعان قۇجاتتا سالىق بەرەشەگى بار ازاماتتاردىڭ تۋىستارى مەن جاقىندارىنىڭ ەمتيحانعا، مەملەكەتتىك باعدارلامالارعا جانە باسقالارعا قاتىسۋعا شەكتەۋ قويۋ بويىنشا نورما جوق. قولدانىستاعى قر سالىق زاڭناماسىندا ايىپپۇل ەسەپتەۋ شارالارى كورسەتىلمەگەن. تەك سالىقتى ۋاقىتىلى تولەمەگەن جاعدايدا وتكىزىلگەن ءار كۇنگە ءوسىمپۇل ەسەپتەلەدى»،– دەپ اتاپ ءوتتى كوميتەتتەگىلەر.

سونداي-اق، ۆەدومستۆو وسى جىلدىڭ اياعىنا دەيىن جەكە تۇلعالارعا ارنالعان سالىقتىق راقىمشىلىق ءۇردىسى جۇرگىزىلىپ جاتقانىن ەسكە سالادى. ونىڭ ەرەجەلەرىنە سايكەس، جەكە تۇلعا بەرەشەگىنىڭ نەگىزگى سوماسىن وتەگەن جاعدايدا ءوسىمپۇل اۆتوماتتى تۇردە ەسەپتەن شىعارىلادى.

سوڭعى جاڭالىقتار