10 قازان, 10:47 187 0 نۇر وتان ارمان قۇدايبەرگەن

پارتيانىڭ نەگىزگى ماقساتى – ماسەلەنى اشىق، ءادىل تالقىلاۋ

ەلىمىزدىڭ قوعامدىق-ساياسي ومىرىندە جۇزەگە اسىرىلىپ جاتقان كەشەندى جاڭعىرۋ ۇدەرىستەرى حالقىمىزدىڭ ءومىر ءسۇرۋ ساپاسىنىڭ ارتۋىنا، الەۋمەتتىك جاعدايىنىڭ جاقسارۋىنا جانە رۋحاني دامۋىنا ەرەكشە سەرپىن بەرىپ وتىر. وسى ورايدا «Nur Otan» پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى اقمارال النازاروۆامەن سۇحباتتاسىپ، ىرگەلى ۇيىمنىڭ ىلكىمدى ىستەرى جايلى اڭگىمە وربىتكەن ەدىك.

– اقمارال شارىپبايقىزى، پرە­­زي­دەنت جولداۋىن سىربويىلىق نۇر­­وتان­دىقتاردىڭ ۇجىم بولىپ كورگەنىن بىلەمىز. جولداۋدى نا­­سي­­حاتتاۋ باعىتىندا جاڭا جوعارىدا اتاپ وتكەن ماسەلەلەردەن بولەك قانداي جۇمىستار اتقارىلىپ جاتىر؟

– پرەزيدەنت ءبىزدىڭ پارتيامىزدىڭ ءمۇ­شەسى جانە «Nur Otan» پارتياسى اتىنان ۇسىنىلىپ سايلاندى. سوندىقتان مەملەكەت باسشىسىنىڭ جولداۋىن حالىققا جەتكىزۋ ءبىزدىڭ نەگىزگى جۇمىستارىمىزدىڭ ءبىرى دەپ سانايمىز.

جالپى، پارتيا فيليالى تاراپىنان مەملەكەت باسشىسىنىڭ قازاقستان حالقىنا ارناعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن ءتۇسىندىرۋ بويىنشا ايماقتىق ارنايى جۇمىس جوسپارى دايىندالىپ، جىل سوڭىنا دەيىن مەديا جوسپار بەكىتىلىپ، جوسپار اياسىندا جۇمىستار ءجۇرىپ جاتىر.

ءبىرىنشى كەزەكتە جولداۋدى ءتۇسىندىرۋ جانە ناسيحاتتاۋ بويىنشا ارنايى وبلىستىق فيليالدىڭ توراعاسى، وبلىس اكىمىنىڭ توراعالىعىمەن وبلىس اكتيۆى، وبلىستىق ماسليحاتتاعى «Nur Otan» پارتياسى دەپۋتاتتىق فراكتسياسىنىڭ وتىرىستارى ءوت­كى­زىلدى. 14 ءىرى باستاۋىش پارتيا ۇيىمدارىندا تالقىلاۋلار ۇيىمداستىرىلدى. ونان بولەك، جولداۋ جۇكتەگەن مىندەتتەردىڭ ورىندالىسىن قاداعالاۋ ماقساتىندا وبلىستىق فيليال توراعاسى، وبلىس اكىمىنىڭ قاتىسۋىمەن پارتيالىق تىڭداۋلار، الەۋمەتتىك توپتارمەن ماقساتتى ءتۇ­سىن­دىرۋ جۇمىستارىن  جۇرگىزۋ ءۇشىن «باقىتتى وتباسى» پارتيالىق جوباسى اياسىندا ءارىپ­تەس ۇەۇ جەتەكشىلەرىمەن، الەۋمەتتىك جەلى بەلسەندىلەرىمەن (بلوگەرلەر), «كەدەر­گىسىز كەلەشەك» جوباسى اياسىندا مۇمكىن­دىگى شەكتەۋلى ازاماتتارمەن كەزدەسۋىلەر ءوت­كى­زىلدى. الداعى اپتادا جولداۋدى ءتۇسىندىرۋ جانە نا­سيحاتتاۋعا ارنالعان سايلاۋالدى باعدارلامانىڭ باعىتتارى بويىنشا پارتيالىق كوميسسيالار مەن ايماقتىق كاسىپكەرلىكتى قولداۋ جونىندەگى كەڭەس جانە «ميراس» ايماقتىق كەڭەسىنىڭ وتىرىستارى جوسپارلانىپ وتىر.

باق جانە الەۋمەتتىك جەلىلەردە وزىمنەن باستاپ، بارلىق اۋماقتىق پارتيا في­ليالدارى توراعالارىنىڭ ءبىرىنشى ورىن­باسارلارى، فراكتسيا مۇشەلەرى، باستاۋىش ۇيىم توراعالارىنىڭ سۇحباتتارى مەن ماقالالارى، پىكىرلەرى جاريالانىپ جاتىر. قازىرگى تاڭدا ازاماتتار كوپ شوعىرلاناتىن ورىنداردا، سونىڭ ىشىندە جولاۋشىلار تاسىمالىمەن اينالىساتىن اۆتوبۋستاردا، بازارلاردا ارنايى جابىسپالى ناسيحاتتىق پاراقشالار دايىندالىپ جاتىر. الداعى اپتادا «Jas Otan» جاستار قاناتى ەرىكتىلەرىمەن ءتيىستى ورىندارعا ىلىنەتىن بولادى. ءبىر سوزبەن ايتقاندا، جولداۋدى ءتۇسىندىرۋ جانە ناسيحاتتاۋ بويىنشا ءتيىستى جۇمىستار پارتيانىڭ ورتالىق اپپاراتىنىڭ نۇسقاۋلىقتارى بويىنشا الدىڭعى ۋاقىتتاردا دا جالعاسا بەرەتىن بولادى.

– ءوزىڭىز بىلەتىندەي، تامىز ايىندا  ەلباسى، «Nur Otan» پارتياسىنىڭ توراعاسى نۇرسۇلتان نازارباەۆتىڭ جەتەكشىلىگىمەن  ساياسي ۇيىمنىڭ كەڭەي­تىلگەن كەڭەسى ءوتتى. سوندا ەلباسى پارتيا جۇمىسىن جاڭعىرتۋدىڭ جاڭا جە­­تى باعىتىن ايقىنداپ بەرگەن ەدى. وسى توڭىرەگىنە كەڭىرەك توقتالساڭىز...

– شىنىندا بۇل پارتيانىڭ الداعى جۇمىس باعىتىن ايقىندايتىن ۇلكەن جيىن دەپ ايتسام ارتىق بولماس. سەبەبى سايا­سي كەڭەستە قازاقستاننىڭ تۇڭعىش پرەزيدەنتى «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» اتتى پارتيا جۇمىسىن جۇيەلى جاڭعىرتۋ باعدارلاماسىن ۇسىندى. وندا پارتيانىڭ بارلىق دەڭگەيدەگى الەۋەتىن ارتتىرۋ، بەلسەندى پارتيا مۇشەلەرىن توپتاستىرۋ،  پارتيانىڭ يادرولىق ەلەكتوراتىن قالىپتاستىرۋ، باستاۋىش ۇيىمداردىڭ ءرولىن كوتەرۋ; جەمقورلىقپەن كۇرەستى كۇشەيتۋ، پارتيادان لايىقتى ەمەس مۇشەلەردى شىعارۋ ءۇشىن شارالار قابىلداۋ، سونىڭ ىشىندە قوعامنىڭ اشىقتىعى، قيىن­دىقتاردى، تۇيتكىلدى ماسەلەلەردى بۇكپەسىز اشىق ايتۋ جانە شەشۋ ماسەلەلەرى قامتىلدى.  ارينە، بۇل پارتيامىزدىڭ ەڭ نەگىزگى جۇمىستارى دەپ ەسەپتەيمىن. سەبەبى،  ەلىمىزدەگى باستى ساياسي كۇش «Nur Otan» پارتياسىنىڭ وكىلدەرى رەتىندە ءبىزدىڭ الدىمىزدا نۇرسۇلتان ءابىشۇلى اتاپ وتكەندەي، حالىققا جاقىن بولىپ، ونىڭ مۇڭ-مۇقتاجىن ءبىلۋ مەن وعان قولداۋ ءبىلدىرۋ، قوعامدا تۋىندايتىن ماسەلەلەردى شەشۋگە كومەكتەسىپ، حالىقپەن كەرى بايلانىس ورناتۋ قۇرالدارىنىڭ ءتيىمدى­لىگىن ارتتىرۋ مىندەتتەرى تۇر.

– پارتيا جۇمىسىن جاڭعىرتۋدىڭ جاڭا جەتى باعىتىن ايتتىق. ەندى وسى باعىتتاعى اتقارىلعان جۇمىستارعا توقتالىپ وتسەڭىز...

– جاڭا اتاپ وتكەنىمدەي ءبىزدىڭ الدىمىزدا قوعامنىڭ پارتياعا دەگەن سەنىمىن ارتتىرۋ ماقساتىندا اقپاراتتىق-يدەولوگيالىق جۇمىستاردى كۇشەيتىپ، بارلىق قوعام مۇشەلەرىن پارتيا جانىنا توپتاستىرۋ مىندەتى تۇر.

قازىر جاعدايدىڭ جاقسارۋىنا وراي قوعامنىڭ سۇرانىسى دا وزگەردى. سوندىقتان ءبىز وسى سۇرانىستارعا ساي بولىپ، حالىقتىڭ سەنى­مىن اقتاۋ ءۇشىن جۇمىس ىستەۋى­مىز قاجەت. بۇل جەردەگى ءبىزدىڭ نەگىزگى ءتاسى­لىمىز – كەز كەلگەن ماسەلەنى اشىق، ءادىل تال­قىلاۋ. وسى ماقساتتا پارتيا زامان تالاپتارىنا ساي وزگەرىپ، ناقتى رەفورمالاردى قولعا الىپ جاتىر.

ءبىزدىڭ پارتيا فيليالى دا ءوز تاراپىنان ۇكى­مەتتىك ەمەس ۇيىمدارمەن جانە ءتۇرلى الەۋمەتتىك توپتارمەن بايلانىستى كۇشەيتۋدى باستادى.

اتاپ ايتار بولساق، بۇگىنگى كۇنگە ارداگەرلەر، مۇمكىندىگى شەكتەۋلى جاندار، ۇكىمەتتىك ەمەس ۇيىمدار، بۇقارالىق اقپارات قۇرالدارى وكىلدەرى، كاسىپوداق ۇيىمدارى جانە الەۋمەتتىك جەلى بەلسەندىلەرىمەن كەزدەسىپ، قوعامداعى وزەكتى ماسەلەلەر مەن ولاردى شەشۋ جولدارى تالقىلاندى. جاقىندا وبلىستىق فيليالدىڭ توراعاسى، وبلىس اكىمى قۋانىشبەك  ىسقاقوۆتىڭ ءتور­اعالىعىمەن ەڭ ماڭىزدى سالالار ءبى­لىم، دەنساۋلىق  باعىتىنداعى جۇمىستاردىڭ جۇزەگە اسىرىلۋ بارىسى، ودان كەيىن يندۋستريالدى دامۋدىڭ مۇمكىندىكتەرى توڭىرەگىندە ءتيىستى باسقارما باسشىلارىنىڭ ەسەپتەرى تىڭدالدى. وسى جەردە مەملەكەتتىك ورگان باسشىلارى دا  وزدەرىنىڭ پارتيا مۇشەسى رەتىندەگى جاۋاپكەرشىلىگىن سەزىنۋى ءتيىس دەپ ەسەپتەيمىن.

– ەلباسى پارتيانى جاڭعىرتۋدا ساياسي ۇيىمنىڭ يادرولىق ەلەكتوراتىن قالىپتاستىرۋ كەرەكتىگىن اتاپ ءوتتى. سوندا يادرولىق ەلەكتورات دەگەندە كىمدەردى ايتامىز؟

– شىنى كەرەك، «باستاۋىش ۇيىم – پارتيا نەگىزى»، – دەگەن ءسوزدى  پارتيا توراعاسى ۇنەمى ايتىپ جۇرەدى. دەگەنمەن مۇنى ءبىزدىڭ باستاۋىش ۇيىمدارىمىز ءالى دە تۇسىنىڭكىرەمەي كەلە جاتقان سەكىلدى. سەبەبى، يادرولىق ەلەكتورات ارينە، وسى باستاۋىش ۇيىمدارى مەن پارتيانىڭ بەلسەندى مۇشەلەرى. سوندىقتان، باستاۋىش پارتيا ۇيىمدارى توراعالارى مەن پارتيا بەلسەندىلەرى تەك مۇشەلىك جارنا جيناقتاۋمەن شەكتەلمەي، جەرگىلىكتى جەردەگى بارلىق  اۋحالمەن  تانىس، حالىقپەن  كەرى بايلانىس ورناتا بىلەتىن ساياسي ليدەر بولۋى كەرەك. پارتيا توراعاسىنىڭ يادرولىق ەلەكتورات قالىپتاستىرۋداعى جاۋاپكەرشىلىكتى ءاربىر باستاۋىش ۇيىم توراعالارى ءبىرىنشى كەزەكتە سەزىنۋى ءتيىس.

– پارتيانىڭ كوپتەگەن الەۋمەتتىك جوبالارى ءساتتى جۇزەگە اسىرىلىپ جات­قانىنان حاباردارمىز. ارى قاراي جالعاسىن تابۋى ءتيىس جوبالار بار ما؟

– جاسىراتىنى جوق. پارتيانىڭ ءتۇر­لى باعىتتاعى 20-دان استام جوبالارى بول­دى. ولار ءوز ماقسات-مىندەتتەرىنە قاراي جۇزەگە استى. ءوز يگىلىگىن بەردى.  دەگەنمەن قازىرگى قوعامنىڭ قاجەتتىلىگىنە قاراي بىرقاتار جوبالار عانا ومىرشەڭدىگىن كورسەتىپ وتىر. مۇنى ەلباسىمىز دا، مەملەكەت باسشىسى دا قازاقستان حالقىنا ارناعان جولداۋىندا اتاپ ءوتتى. ارينە، ول «ارداگەرلەردى ارداقتايىق»، «كەدەرگىسىز-كەلەشەك»، «باقىتتى وتباسى» جوبالارى. بۇل جوبالار اتى ايتىپ تۇرعان­داي كوزدەگەن  ماقساتىن ورىنداپ جا­تىر.  ماسەلەن، «ارداگەرلەردى ارداقتايىق» جوباسى قازىنالى قارتتارىمىزدى قولداۋعا، «باقىتتى وتباسى» كوپ بالالى انالار، الەۋمەتتىك از قامتىلعان وتباسىلاردىڭ جاناشىرى. ال «كەدەرگىسىز كەلەشەك» مۇمكىندىگى شەكتەۋلى ازاماتتارىمىز ءۇشىن كەدەرگىسىز ورتا قالىپتاستىرۋعا باعىتتالىپ وتىر. قازىر وسى جوبا اياسىندا پارتيا جانىنان قۇرامى ۇكىمەتتىك ەمەس ۇيىمدار، مۇگەدەكتەر قوعامدىق بىرلەستىكتەرى، ءتيىستى مەملەكەتتىك ورگاندار وكىلدەرىنەن جاساقتالعان ارنايى توپتار وبلىس كولەمىندەگى بارلىق الەۋمەتتىك نىساندارعا باقىلاۋ جاساپ، ولاردىڭ مۇمكىندىگى شەكتەۋلى جاندار ءۇشىن قولجەتىمدىلىگىن ارتتىرۋعا جۇمىس ىستەپ جاتىر. ياعني، قىركۇيەكتىڭ 10-نان  باستاپ، قازاننىڭ 10-نا دەيىن، وبلىستاعى 800-گە جۋىق نىساندى باقىلاۋ جوسپارلانعان. ناقتى كەزەڭدە 195 وبەكتىگە مونيتورينگ جۇمىستارى جاسالىپ، باسشىلارىنا تاپسىرمالار بەرىلدى.

– اڭگىمەڭىزگە راحمەت!

سۇحباتتاسقان

ارمان قۇدايبەرگەن

سوڭعى جاڭالىقتار