9 قازان, 11:24 172 0 ەكولوگيا انار لەپەسوۆا

شارىن شاتقالىندا العاش رەت قىسقى ماۋسىم اشىلماق

2020 جىلى «شارىن مەملەكەتتىك ۇلتتىق تابيعي پاركىندە» ەكى تۋريستىك باعىت ىسكە قوسىلادى. ازىرگە  شارىن شاتقالىندا جۇرەتىن ءبىر عانا  جول بار. ۇزىندىعى 3 شاقىرىمدى قۇرايتىن جولمەن جىلىنا كەم دەگەندە 10 مىڭ ادام ءجۇرىپ وتەدى ەكەن.

ۇلتتىق پاركتىڭ ماماندارى كەلەسى جىلى تاعى ەكى مارشرۋت اشۋعا نيەتتى ەكەندىكتەرىن جەتكىزدى.  سەبەبى وسىندا كەلىپ كەتكەن قىتايلىق تۋريستەر  قازاق جەرىندەگى تۇمسا تابيعاتتى كورۋگە ديماش قۇدايبەرگەننىڭ ونەرى تىكەلەي اسەر ەتكەنىن ايتىپتى.

ۇلتتىق پارك قىزمەتكەرلەرى سوڭعى 5 جىلدا شارىن شاتقالىنا كەلۋشىلەردىڭ قاتارى ارتقان دەيدى. بىلتىر 15 مىڭ تۋريست كەلسە، وسى  جىلدىڭ 9 ايىندا 18 مىڭ ساياحاتشى ات باسىن بۇرعان. مۇندا كەم دەگەندە 50 شاقتى مامان جۇمىس ىستەيدى. «شارىن مەملەكەتتىك ۇلتتىق تابيعي پاركى»  تۋريزم ءبولىمىنىڭ مامانى ماكسيم اكراموۆ جۋرناليستەرمەن كەزدەسكەن كەزدە مۇندا كەلگەن تۋريستەرگە ىڭعايلى جاعداي جاسالعانىن تىلگە تيەك ەتىپ ءوتتى.

ءتىپتى  ادامدار الەۋمەتتىك جەلى دە قول جەتىمدى. «ۇلتىق پارك كۇننىڭ ىستىعىن دا، جاۋىن كەزىندە تۋريستەر وتىراتىن اعاشتان بەسەدكا جاساپ قويعان. مارشۋرت بويىنشا ورىندىقتار قويىلعان. جاياۋ جۇرۋگە قينالاتىن ادامدارعا كولىكتەر بار»،  دەيدى.

وكىنىشتىسى، شاتقالدا ەلەكتر قۋاتى مەن ءموبيلدى بايلانىس جوق. جارىقتى تارتۋ ءۇشىن 380 ۆولتتى ەلەكتر سىمىن جۇرگىزۋ كەرەك ەكەن. سوندىقتان دەمالىس ورنىنداعى ماماندار راتسيانى پايدالانۋدا.

 

سوڭعى جاڭالىقتار