9 قازان, 11:13 165 0 ايماق انار لەپەسوۆا

نۇر-سۇلتاندا جولاقىنى بانك كارتاسىمەن تولەۋگە بولادى

ەلوردادا جولاقىنى بانك كارتاسىمەن تولەۋ جۇيەسى ەنگىزىلدى. بۇل تۋرالى Astana LRT وكىلدەرى Facebook-تەگى پاراقشاسىندا جازدى.

"بۇگىن ءبىز №20 باعداردا جولاقىسىن Visa بانك كارتالارى ارقىلى تولەۋ مۇمكىندىگىن ەنگىزدىك. قىزمەت Visa جاھاندىق تولەمدىك تەحنولوگيالىق كومپانياسى، "Kassa Nova بانكى" اق ("ForteBank" اق ەب) جانە "بپتس قازاقستانمەن" تىعىز ىنتىماقتاستىقتا ۇيىمداستىرىلدى", - دەلىنگەن جاريالانعان اقپاراتتا.

ەلگە جانە ەميتەنت بانككە قاراماستان، ونى Visa بايلانىسسىز كارتالارىن ۇستاۋشىلارى پايدالانا الادى. بۇل استانالىق قوعامدىق كولىكتىڭ تۇراقتى پايدالانۋشىلارى ءۇشىن عانا ەمەس، سونىمەن بىرگە قازاقستان وڭىرلەرىنەن جانە شەت ەلدەردەن كەلگەن قوناقتار ءۇشىن دە قولايلى، ويتكەنى كولىك كارتاسىن ساتىپ الۋ قاجەتتىلىگىن بولدىرمايدى، تۋريستەرگە ولار ءۇشىن ادەتتەگى حالىقارالىق كارتالاردىڭ كومەگىمەن تولەۋ مۇمكىندىگىن بەرەدى. جوبا ءالى تەستىلىك رەجيمدە ىسكە اسىرىلدى جانە قوعامدىق كولىكتىڭ №20 قالالىق باعدارىندا جۇمىس ىستەيتىن بولادى.

"بانك كارتاسىمەن تولەۋ كەزىندەگى ساپاردىڭ قۇنى قولما-قول اقشاسىز تولەۋدىڭ باسقا تاسىلدەرى كەزدەگىدەي – 90 تەڭگەنى قۇرايدى. كوميسسيا الىنبايدى. الايدا Visa كارتاسىنىڭ ۇستاۋشىلارى ءۇشىن اكتسيا باستالدى. بانك كارتاسىمەن تولەگەن كەزدە ءبىر ساپاردىڭ قۇنى نەبارى 45 تەڭگەنى قۇرايتىن بولادى", - دەپ حابارلادى Astana LRT-دا.

سوڭعى جاڭالىقتار