8 قازان, 16:29 391 0 ايماق انار لەپەسوۆا

قىزىلوردالىق كاسىپكەر كوپبالالى وتباسىعا پاتەر سىيلادى

قالا كۇنى اياسىندا قىزىلوردادا ۇيىمداستىرىلعان «YOUTH FORMULA» - جاستىق شاقتىڭ فورمۋلاسىن سەزىن!» مەرەكەلىك شاراسى بارىسىندا «ابزال جانە ك» تولىق سەرىكتەستىگىنىڭ باس ديرەكتورى ماعجان ەراليەۆ كوپبالالى وتباسىعا پاتەر كىلتىن تابىستادى. بۇل تۋرالى قالالىق ىشكى ساياسات ءبولىمى Facebook الەۋمەتتىك جەلىسىندەگى پاراقشاسىندا حابارلادى.

قايىرىمدىلىق شارالارىنا ءاردايىم ۇلەس قوسىپ جۇرگەن كومپانيا قالالىق اكىمدىك جانە "اتامەكەن" ۇكپ باستاماسىمەن قولعا الىنعان «مەنىڭ اتامەكەنىم» الەۋمەتتىك جوباسى اياسىندا ءۇش بولمەلى پاتەر كىلتىن كەنجەبەكوۆتەر وتباسىنا تابىستادى. ءوز كەزەگىندە جاڭا قونىس يەلەرى كاسىپكەرگە العىس ءبىلدىردى.

جاس مامان نۇربولات جۇبايى بوتاگوزبەن بىرگە ەكى ۇل جانە حاديشا، رايانا، ايشا ەسىمدى ۇشەم تاربيەلەپ وتىر. ولار بۇعان دەيىن جالدامالى پاتەردە تۇرىپ كەلگەن.

سوڭعى جاڭالىقتار