8 قازان, 14:10 200 0 ساياسات انار لەپەسوۆا

توقاەۆ ەلورداداعى قۇرىلىسى ۋاقىتى اياقتالماعان نىساندارعا شۇيلىكتى

نۇر-سۇلتان اكىمدىگىندە ءوتىپ جاتقان قالانى ودان ارى دامىتۋ ماسەلەلەرى جونىندەگى ماجىلىستە قازاقستان پرەزيدەنتى قاسىم-جومارت توقاەۆ ەلوردادا ەنەرگەتيكا نىساندارى قۇرىلىسىنىڭ ۋاقىتىندا اياقتالماۋىن سىنعا الدى.

"قۇرىلىسى 2010 جىلى باستالعان 3-جىلۋ ەلەكتر ستانساسى وسى جىلى پايدالانۋعا بەرىلۋى ءتيىس بولاتىن. بىراق، پايدالانۋعا بەرۋ مەرزىمى بىرنەشە رەت كەيىنگە شەگەرىلدى. دەمەك، جوبا تاعى ءبىر جىلعا شەگەرىلمەك. ەندى جوبالىق-سمەتالىق قۇجاتى الدان شىقتى. ونى تۇزەتۋ قاجەت. جوبا 1,5 ەسە قىمباتتادى. بۇعان قوسا، سوماسى از ەمەس – 40 ملرد تەڭگەدەن اسىپ جىعىلادى", - دەدى توقاەۆ.

قازاقستان پرەزيدەنتى اكىمدىك مەملەكەتتىك بيۋدجەت ەسەبىنەن جۇزەگە اسىرىلىپ جاتقان جوبالاردى ۋاقىتىندا اياقتاۋى ءتيىس ەكەنىن ەسكەرتتى.

مەملەكەت باسشىسى قالانىڭ ەنەرگەتيكالىق جۇيەسىن "سارىارقا" گاز قۇبىرىنا قوسۋعا دايىن بولماۋى دا پروبلەما ەكەندىگىن باسا ايتتى.

"بۇل – مۇلدەم تۇسىنىكسىز ماسەلە. قالاي ورىن العان؟ وسى جىلعا كوزدەلگەن 2,7 ملرد تەڭگە باسقا وڭىرلەردىڭ اراسىندا قايتا بولىنەدى.

وعان قوسا، ءبىز ەڭ ءبىرىنشى كەزەكتە، ءدال وسى ەلوردانى گازداندىرۋ جايىندا ويلاۋىمىز كەرەك ەدى. ويتكەنى، قىستا نە ورىن الاتىنىن جاقسى بىلەسىزدەر: قالا تۇتىنگە ورالىپ، ەڭ الدىمەن، تۇرعىنداردىڭ، سونداي-اق ديپلوماتيالىق كورپۋس الدىندا ىڭعايسىزدىق تۋىندايدى", - دەدى توقاەۆ.

سوڭعى جاڭالىقتار