8 قازان, 10:43 198 0 ايماق انار لەپەسوۆا

باتىس قازاقستاندا 21 توننا پىشەن جانىپ كەتتى

باتىس قازاقستان وبلىسىندا ءورت سالدارىنان 21 توننا پىشەن جانىپ كەتتى، دەپ حابارلايدى  بقو تج دەپارتامەنتىنىڭ ءباسپاسوز قىزمەتى. 

وقيعا جاڭاقالا اۋدانى جاڭاجول اۋىلىندا بولعان. ساركول كوشەسى، 2 مەكەنجايىندا جەكە ءۇيدىڭ اۋلاسىندا 90 شارشى مەتر قورا-قوپسى، 110 شارشى مەتر پىشەن وتقا وراندى. سونىڭ سالدارىنان 21 توننا پىشەن كۇلگە اينالدى.

ءورتتى سوندىرۋگە جەكە قۇرامنان - 3, سونداي-اق ەرىكتى ءورت ءسوندىرۋشى جاساعىنان - 48 ادام قاتىستى. تاعى ءبىر وسىنداي وقيعا جانىبەك اۋدانى بورسى اۋىلىندا تىركەلدى. اباي كوشەسى، 17 مەكەنجايىندا شارۋاشىلىق قۇرىلىسى جاندى. ءورت اۋماعى - 160 شارشى مەتر. مۇندا دا 53 ادام ءورت سوندىرۋگە جۇمىلدى.

قازىرگى كەزدە ءورتتىڭ شىعۋ سەبەپتەرى، كەلگەن شىعىن كولەمى انىقتالۋدا.

 

تەگتەر ءورت پىشەن

سوڭعى جاڭالىقتار