8 قازان, 10:13 380 0 ايماق انار لەپەسوۆا

شاڭ-تۇتىنگە ۋلانعان ارىستىقتار كومىر بازاسىن جاۋىپ تاستاۋدى تالاپ ەتتى

جارىلىستىڭ زاردابىن تارتقان ارىس تۇرعىندارى ەندى  كومىردىڭ شاڭى مەن تۇتىنىنە ۋلانىپ وتىر، دەپ حابارلايدى كتك ارناسى. 

كوكونىس قويماسى رەتىندە اشىلعان جەكەمەنشىك نىسان  بەس جىلدان بەرى كومىر بازاسىنا اينالىپ كەتىپتى. تۇرعىن-جايلاردان كەمى جارتى شاقىرىمدا ورنالاسۋى ءتيىس بازا مەن ۇيلەردىڭ اراسى 50 مەتر بولعاندىقتان، ارىستىقتار جازداي شاڭعا تۇنشىعىپ، قىستاي تۇتىنگە ۋلانىپ جاتىرمىز دەيدى.

"كۇندە وسى، تاڭ اتقاننان كەش باتقانعا. بالاشاعانى ۇيگە قاماپ شىعارمايمىن. شىعارعاننىڭ وزىندە مەكتەپكە اپارامىز، بىرەۋى ۇيدە ۋلانىپ جاتىر. دەمالۋىڭ قيىن، جوتەل دەگەن بالە بولدى. قازىر باسىمىز اۋىرىپ ءجۇر. بەتپەردە ساۋداسى قىزىپ تۇر", - دەيدى ارىس قالاسىنىڭ تۇرعىنى ۇكىجان اسانوۆا.

وكپەسى قاتتى وتىننىڭ شاڭى مەن تۇتىنىنە تولعانىن ايتقان ارىستىقتار شەتىمىزدەن سىرقات بولدىق دەپ شاعىمدانۋدا. كومىر بازاسىنىڭ ورنىن اۋىستىرىپ، نە جاۋىپ تاستاۋىن تالاپ ەتكەن جۇرت جەرگىلىكتى بيلىككە سان مارتە شاعىم جازعان. تەكسەرىپ كەلگەن سانەپيدەميلولوگتار مەن ەكولوگتار تۇرعىنداردىڭ ارىزىن قۇپتاپ، زياندى نىسان ۇيلەرگە جاقىن ورنالاسقانىن ەسكەرتىپ، جابىلسىن دەگەن ۇيعارىم جاساپتى. الايدا قۇزىرلى ورىنداردىڭ شەشىمىن جەكەمەنشىك مەكەمە باسشىسى «قىستىرعان دا جوق» دەگەن جۇرت كومىر ساتاتىن كاسىپكەردىڭ جوعارىدا دوكەي كوكەلەرى بار دەپ سانايدى. ال جۇرتقا زيان تيگىزگەنىن مويىنداعان كاسىپكەردىڭ ءوزى «بار تۇيتكىل جەرگىلىكتى اكىمدىكتە» دەپ وتىر.

سوڭعى جاڭالىقتار