7 قازان, 16:15 573 0 دەنساۋلىق احمەت ومىرزاق

قىزدار ۋنيۆەرسيتەتىنىڭ قىزدارى – چەمپيون

 

الماتى قالاسىندا جاعاجاي ۆولەيبولىنان چەمپيونات مارەگە جەتتى. وڭتۇستىك استاناداعى جوعارى وقۋ ورىندارى اراسىندا ۇيىمداستىرىلعان سايىستا قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتتەرىنەن قۇرالعان كوماندا جەڭىمپاز اتاندى، – دەپ حابارلايدى وقۋ ورنىنىڭ رەسمي وكىلى جاندار اسان.

ونىڭ اقپاراتىنا سۇيەنەر بولساق، اتالعان سپورت تۇرىنەن وتكەن ستۋدەنتتىك ليگا ويىندارىندا 12 جوعارى وقۋ ورنىنىڭ سپورتشىلارى باپتارى مەن باقتارىن سىناعان.

وليمپيادالىق ەرەجە بويىنشا جۇرگىزىلگەن جارىستىڭ ىرىكتەۋ كەزەڭىندە قىزدار ۋنيۆەرسيتەتىنىڭ قۇراماسى قارسىلاستارىنا ەسە جىبەرمەي جارتىلاي فينالعا جولداما الدى. جارتىلاي فينالدا وقۋ ورنىنىڭ كومانداسى قازاق سپورت جانە تۋريزم اكادەمياسىنىڭ ۆولەيبولشىلارىمەن كەزدەستى. تارتىستى وتكەن ويىندا پەداگوگيكالىق ۋنيۆەرسيتەتتىڭ بويجەتكەندەرىنىڭ اسىعى الشىسىنان ءتۇسىپ، 1:2 ەسەپ ناتيجەسىمەن جەڭىسكە جەتتى.

فينالدا قازاق ۇلتتىق قىزدار پەداگوگيكالىق ۋنيۆەرسيتەتى مەن ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ سپورتشىلارى ءوزارا مىقتىنى انىقتادى. التىن مەدال ءۇشىن وتكەن ويىندا ارۋلار ورداسىنىڭ ۆولەيۆولشىلارىنىڭ ايى وڭىنان تۋىپ، جەڭىس تۇعىرىنا كوتەرىلدى. ەسەپ – 2:1, 5:4, 15:10, 16:14.

«ايتا كەتەيىك، قىزدار ۋنيۆەرسيتەتىنىڭ قۇراما كومانداسىن جارىسقا دەنە شىنىقتىرۋ جانە سپورت كافەدراسىنىڭ اعا وقىتۋشىسى، ۆولەيبولدان قر سپورت شەبەرى ساۋلە نۇرپەيىسوۆا دايىندادى. بۇل جاعاجاي ۆولەيبولىنان پەداگوگيكالىق ءبىلىم ورداسىنىڭ ەڭ ءىرى جەتىستىكتەرىنىڭ ءبىرى ەكەندىگىن اتاپ وتكەن ءجون»، – دەيدى وقۋ ورنىنىڭ رەسمي وكىلى.

سوڭعى جاڭالىقتار