7 قازان, 10:36 441 0 الەۋمەت انار لەپەسوۆا

از قامتىلعان وتباسىلارعا جاڭا كومەك تۇرلەرى ەنگىزىلمەك

مەملەكەتتىك اتاۋلى الەۋمەتتىك كومەك تۋرالى زاڭعا تابىسى از وتباسىنداعى بالالارعا كەپىلدى الەۋمەتتىك توپتاما ەنگىزىلمەك. بۇل تۋرالى  ۇكىمەت وتىرىسىندا قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.

«مەملەكەتتىك اتاۋلى الەۋمەتتىك كومەك تۋرالى زاڭعا تابىسى از وتباسىنداعى بالالارعا كەپىلدى الەۋمەتتىك توپتامانى ەنگىزۋمەن كەڭەيتۋ ۇسىنىلادى. مەكتەپكە دەيىنگى جاستاعى بالالار تاماقپەن، گيگيەنالىق قۇرالدارمەن جانە ءبىلىم بەرۋ قىزمەتتەرىمەن قامتاماسىز ەتىلەتىن بولادى»، - دەدى مينيستر.

ونىڭ اتاپ وتۋىنشە، وقۋشى بالالار ءۇشىن مەكتەپتە تەگىن ىستىق تاماقتى، كۇندەلىكتى مەكتەپكە بارىپ-كەلۋ تەگىن جول ءجۇرۋدى، سونداي-اق مەكتەپ فورماسى مەن وقۋ قۇرالدارىن الۋدى مەملەكەت ەسەبىنەن بەرۋ كوزدەلەدى.

«وسىلايشا اتاۋلى الەۋمەتتىك كومەكتىڭ قولدانىستاعى تەتىگى تۇزەتىلەتىن بولادى. ەگەر كوپبالالى وتباسى جاڭا جاردەماقىنى الا وتىرىپ، از قامتىلعان وتباسى مارتەبەسىندە قالا بەرەتىن بولسا، ۇسىنىلىپ وتىرعان زاڭ جوباسىنا سايكەس، بۇل جانۇياعا اتاۋلى الەۋمەتتىك كومەك پەن بالالارىنا كەپىلدى الەۋمەتتىك توپتامانى قامتيتىن كومەك تاعايىندالادى»، - دەدى ب.نۇرىمبەتوۆ

 

سوڭعى جاڭالىقتار