6 قازان, 13:38 396 0 نۇر وتان انار لەپەسوۆا

باۋىرجان بايبەك ۇستازداردى كاسىبي مەرەكەلەرىمەن قۇتتىقتادى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك ۇستازدار قاۋىمىن كاسىبي مەرەكەلەرىمەن قۇتتىقتادى. 

"تاۋەلسىزدىكتىڭ العاشقى كۇنىنەن باستاپ ەلباسى ءبىلىم بەرۋ ىسىنە ۇلكەن كوڭىل ءبولىپ، بۇل سالا مەملەكەتتىك ساياساتتاعى باسىمدىقتاردىڭ ءبىرى بولىپ بەلگىلەندى. سوعان بايلانىستى ۇستازدار قاۋىمىنا قازاقستاندىقتاردىڭ جاڭا بۋىنىن تاربيەلەۋدە زور جاۋاپكەرشىلىك جۇكتەلدى. «ەلىمىزدىڭ ەرتەڭى بۇگىنگى جاس ۇرپاقتىڭ قولىندا، ول جاس ۇرپاقتىڭ تاعدىرى ۇستازداردىڭ قولىندا»، - دەپ نۇرسۇلتان ءابىشۇلى نازارباەۆ ايتپاقشى، بۇگىندە ولار بۇل ماڭىزدى مىندەتتى تەرەڭ سەزىنىپ، ابىرويمەن اتقارىپ كەلەدى", - دەپ جازدى ب.بايبەك ءىnstagram-داعى پاراقشاسىندا.

پارتياسى توراعاسىنىڭ ءبىرىنشى ورىنباسارى «Nur Otan» پارتياسىنىڭ ساياسي دوكتريناسىندا دا جالپىعا ورتاق تابىسقا قول جەتكىزۋدىڭ نەگىزگى فاكتورلارىنىڭ ءبىرى زياتكەرلىك ۇلت قالىپتاستىرۋ ەكەنىن،بۇلل ىستە دە ۇستازدىڭ الار ورنى ەرەكشە ەكەنىن اتاپ ءوتتى.

"ۇستازدىق – جاي كاسىپ ەمەس، جان-دۇنيەڭمەن بەرىلە اتقارار ۇلى ءىس، جاۋاپتى ميسسيا، ەلگە قىزمەت ەتۋدىڭ وزىق ۇلگىسى. سوندىقتان وسىناۋ ۇلى ەسىمگە داق تۇسىرمەي، ەل بولاشاعى جولىندا ايانباي ەڭبەك ەتىپ جۇرگەن قادىرلى ماماندىق يەلەرىن قۇتتىقتاي وتىرىپ، جۇمىستارىنا تابىس پەن ساتتىلىك تىلەيمىن", - دەدى باۋىرجان بايبەك.

سوڭعى جاڭالىقتار