4 قازان, 21:21 348 0 سپورت انار لەپەسوۆا

ەليزابەت شانحايدا وتكەن جارىستا ەكىنشى ورىنعا قول جەتكىزدى

قازاقستاندىق مانەرلەپ سىرعاناۋشى ەليزابەت تۇرسىنباەۆا شانحايدا ءوتىپ جاتقان Shanghai Trophy حالىقارالىق دوداسىندا ەكىنشى ورىندى يەلەندى. بۇل تۋرالى  Sports.kz حابارلادى. 

جارىستىڭ قىسقا باعدارلاماسىنان كەيىن كوش باستاعان مەدۆەدەۆا ەركىن باعدارلامادا 119,62 ۇپايدى يەلەنىپ، ناتيجەسىندە 191,78 ۇپاي جينادى. وسىلايشا، ول ءبىرىنشى ورىندى يەلەندى.

ال ەليزابەت تۇرسىنباەۆا 186,09 ۇپايىمەن ەكىنشى ورىننان كورىندى. دودادا وڭتۇستىك كورەيالىق ليم ىن سۋ ءۇشىنشى ورىنعا (184,64) جايعاستى.

ايتا كەتسەك، جاڭا ماۋسىمنىڭ الدىندا ەليزابەت تۇرسىنباەۆانىڭ جاراقات العانى بەلگىلى بولعان ەدى. Sputnik قازاقستان مالىمەتىنشە، مانەرلەپ سىرعاناۋشىنىڭ اكەسى بايتاق تۇرسىنباەۆ قىزىنىڭ العان جاراقاتىنا قاراماستان، جاتتىعۋىن ۇزبەي، شانحايداعى جارىسقا دايىندالعانىن ايتقان.

سوڭعى جاڭالىقتار