4 قازان, 14:25 281 0 قوعام دينارا مىڭجاسارقىزى

ومىرزاق شوكەەۆ كومەك سۇراپ كەلگەن تۇرعىندارمەن كەزدەستى

تۇركىستان وبلىسىنىڭ اكىمى ومىرزاق شوكەەۆ «NUR OTAN» پارتياسىنا كومەك سۇراپ كەلگەن تۇرعىندارمەن كەزدەسىپ، ولاردىڭ مۇڭ-مۇقتاجىن تىڭدادى.

ەلوردانىڭ 600-گە جۋىق تۇرعىنى اشىق ەسىك كۇنىنە قاتىستى پارتيانىڭ وبلىستىق فيليالىنىڭ «Open Space» فورماتىنداعى قوعامدىق قابىلداۋىندا ايماق باسشىسى ازاماتتاردىڭ ماسەلەلەرىنە بايلانىستى قولداۋ بىلدىرەتىندىگىن جەتكىزدى، دەپ حابارلايدى قازاقپارات ءتىلشىسى. ءوڭىر باسشىسىنىڭ قابىلداۋىنا كەلگەن كوپبالالى انا ۇلجان تويلىباەۆا اتاۋلى الەۋمەتتىك كومەك الۋ ماسەلەسىن كوتەردى.

سونداي-اق باسپاناعا قول جەتكىزە الماي جۇرگەنىن ايتىپ، پارتيا فيليالى توراعاسىنان كومەك سۇرادى. ال، قاراپايىم مۇعالىم م. يسرايلوۆا ۇلتتىق باعىتتا ءبىلىم بەرەتىن قىزدار مەكتەبىن اشۋدى ارماندايتىنىن جەتكىزدى. باتىر انا ءوز ماقساتىن جۇزەگە اسىرۋ جولىندا عيمارات سۇراپ، اكىمدىك تاراپىنان قولداۋ بولسا جەگەن تىلەگىن ايتىپ ءوتتى. قابىلداۋدا سونداي-اق، وبلىستىق ايەلدەر كەڭەسىنىڭ ءتورايىمى ب. جاندوسوۆا رەسپۋبليكالىق «ونەگە» جوباسىنىڭ جۇمىسىن جانداندىرىپ، تۇركىستاننان تۇرمىستىق زورلىق-زومبىلىققا ۇشىراعان ازاماتتارعا ارنالعان داعدارىس ورتالىعىن اشساق دەگەن يدەياسىمەن ءبولىستى. ازاماتتاردىڭ ايتقان ۇسىنىس تىلەكتەرىن تىڭداعان ومىرزاق شوكەەۆ الەۋمەتتىك ماڭىزى زور باستامالارعا قولدان كەلگەنشە كومەك بەرۋگە ۋادە ەتتى. ايتا كەتەيىك، «Nur Otan» پارتياسى تۇركىستان وبلىستىق فيليالىنىڭ «Open space» فورماتىندا اشىلعان قوعامدىق قابىلداۋ كەڭسەسىنە بارلىق مەملەكەتتىك ورگان جەتەكشىلەرى، وبلىس اكىمى، باسقارما باسشىلارى اي سايىن كەلىپ، تۇرعىندارمەن قابىلداۋ وتكىزىپ تۇرادى.

سوڭعى جاڭالىقتار