4 قازان, 10:56 332 0 زاڭ انار لەپەسوۆا

ەكى پولكوۆنيك ءىستى بولدى

اقمولا وبلىسىندا جوعارى لاۋازىمدى ەكى پوليتسيا قىزمەتكەرى ۇستالدى. بۇل تۋرالى Tengrinews.kz  حابارلادى. 

"اقمولا وبلىسى پوليتسيا دەپارتامەنتىنىڭ ىشكى قاۋىپسىزدىك باسقارماسى ۇلتتىق قاۋىپسىزدىك كوميتەتىنىڭ ۆەدومستۆوارالىق جەدەل-تەرگەۋ توبىمەن بىرلەسىپ قر قىلمىستىق كودەكسىنىڭ 189-بابىنىڭ 3-بولىگى بويىنشا پوليتسيا پولكوۆنيكتەرى ا.ە. سادۋوۆ جانە س.ك. جۇماليناعا  قاتىستى سوتقا دەيىنگى تەرگەۋ باستالدى", - دەلىنگەن حابارلامادا.

قۇقىقبۇزۋشىلىقتار جىل بويى جالعاسقانى انىقتالعان. پوليتسيا پولكوۆنيگى سادۋوۆ پوليتسيا قىزمەتىنەن بوساتىلدى. قازىرگى تاڭدا تەرگەۋ جۇرگىزىلىپ جاتىر.  سادۋوۆ پوليتسيا باسقارماسى باسشىسىنىڭ ورىنباسارى بولىپ 2018 جىلى ساۋىردە تاعايىندالعان.

جۇمالينا ىشكى ىستەر ورگانىندا 20 جىل قىزمەت ەتكەن، 7 جىل اقمولا وبلىسىنىڭ پوليتسيا دەپارتامەنتىنىڭ قارجىلىق قاۋىپسىزدىك ءبولىمىن باسقارعان.

سوڭعى جاڭالىقتار