4 قازان, 10:50 434 0 زاڭ انار لەپەسوۆا

بالانى ۇرۋعا تىيىم سالاتىن زاڭ قابىلدانادى

شوتلانديادا اتا-انانىڭ بالانى شاپالاقپەن ۇرۋىنا تىيىم سالىنباق. بۇل بىرىككەن كورولدىك قۇرامىنداعى ەلدەر اراسىنداعى العاشقى تاجىريبە، دەپ جازادى Daily Mail باسىلىمى.

بۇل زاڭ جوباسىن وڭىرلىك پارلامەنتتە 84 ادام قولداعان، تاعى 29-ى قارسى شىققان. جارعى كورولدىك رۇقساتىن العان سوڭ ءبىر جىلدان كەيىن كۇشىنە ەنەدى.

زاڭ جوباسىن ەنگىزگەن شوتلاندياداعى جاسىلدار پارتياسىنىڭ مۇشەسى دجون فينني بۇل بالالاردىڭ قۇقىعىن قورعاۋداعى باتىل قادام بولدى دەگەن ويدا.

«بۇل شەشۋشى ءارى باتىل قادام بولدى. بالالار ۇلكەندەر تاراپىنان جاسالاتىن زورلىق-زومبىلىقتان قورعالۋى كەرەك»، - دەدى ول.

ۇلىبريتانيادا اتا-انالار ءتارتىپ ءۇشىن بالاسىن شاپالاقپەن سالىپ قالا الادى. دەگەنمەن مەكتەپتەردە بالاعا كۇش كورسەتۋگە تىيىم سالىنعان.

بۇل زاڭدى قولداۋشىلاردىڭ ايتۋىنشا، بالانى شاپالاقپەن تارتىپ جىبەرگەن كەزدە ول ءالسىز كۇيدە قالادى. ال زاڭعا قارسى شىعىپ، بالانى وسى ادىسپەن تاربيەلەيمىن دەگەن اتا-انالار ەندى زارداپ شەگەتىن بولادى دەگەن ويدا.

سوڭعى جاڭالىقتار