3 قازان, 15:44 319 0 قوعام انار لەپەسوۆا

«مەنى وزىڭمەن الىپ كەت..»: ەلوردادا قاراۋسىز ءۇي جانۋارلارىنىڭ جارمەڭكەسى وتەدى

5 قازاندا «استانا» كونتسەرت زالى ايماعىندا يەسىز قالعان يتتەر مەن مىسىقتاردىڭ «مەنى وزىڭمەن الىپ كەت..» اتتى كورمە-جارمەڭكەسى وتەدى. ەلوردا ينفو پورتالىنىڭ حابارلاۋىنشا، بۇل جولى 40-تان استام يت پەن مىسىق جارمەڭكەگە قويىلادى.

شارانى «نۇر-سۇلتان قالاسى قالالىق ورتا ساپاسى جانە باقىلاۋ باسقارماسى» مم، «استانا ۆەتسەرۆيس» كم جانە جاناۋلاردىڭ قۇقىعىن قورعايتىن قوعامدىق ۇيىم وكىلدەرى ۇيىمداستىرادى.

كورمە-جارمەڭكەدە ۇناعان يت پەن مىسىقتى ۇيگە الىپ كەتۋ مۇمكىندىگى بار. سونىمەن قاتار شاراعا كەلۋشىلەرگە اقسۇمبە ورامى، 1 ۇيدە ورنالاسقان ۋاقىتشا باسپاناداعى وزگە دە جانۋارلارىنىڭ سۋرەتتەرى ۇسىنىلادى.

اتالعان جارمەڭكە ءار سەنبى سايىن ۇيىمداستىرىلاتىن ءداستۇرلى شاراعا اينالىپ، وسىمەن 8-رەت وتكىزىلۋدە. وتكەن جارمەڭكە ناتيجەسى بويىنشا 60 قاراۋسىز قالعان يت پەن مىسىق جاڭا يەسىن تاپقان.

ايتا كەتۋ كەرەك، جارمەڭكەگە يتتەر مەن مىسىقتار قاڭعىباس جانە قاراۋسىز جانۋارلارعا ارنالعان ۋاقىتشا باسپانادان الىپ كەلىنەدى. باسپانا 2017 جىلدان باستاپ جۇمىس ىستەۋدە. قالاداعى جانۋارلارعا ارنالعان ەڭ ۇلكەن ۋاقىتشا باسپانا وسى. بۇل جەردى 700-گە جۋىق يت، 60-تان استام مىسىق پانا ەتكەن. اتالعان جانۋارلاردىڭ بارلىعى كارانتين، ۆاكتسيناتسيالاۋدان ءوتىپ، بۇگىندە مال دارىگەرى مامانىنىڭ باقىلاۋىندا.

كورمە-جارمەڭكە 2019 جىلدىڭ 5 قازانىندا ساعات 12:00-دە «استانا» كونتسەرت زالىنىڭ ماڭىندا وتەدى.

 

سوڭعى جاڭالىقتار