3 قازان, 11:17 382 0 مادەنيەت "تۇركىستان" گازەتىنىڭ اۆتورلارى

مىسىر مۇرالارى – الماتىدا

مىسىر اراب رەسپۋبليكاسىنىڭ ەلشىلىگى مەن مىسىردىڭ الماتىداعى مادەنيەت جانە ءبىلىم جونىندەگى ورتالىعىمەن كوپجىلدىق ىنتىماقتاستىق اياسىندا «مىسىر قازىنالارى» اتتى كورمە قازاقستان رەسپۋبليكاسىنىڭ مەملەكەتتىك ورتالىق مۋزەيىندە اشىلدى.

كورمەدە قازاقستان رەسپۋبليكاسى مەم­لەكەتتىك ورتالىق مۋزەي ديرەكتورىنىڭ ورىنباسارى انار سامەتوۆا سالتاناتتى شارانىڭ اشىلۋىندا ءسوز سويلەپ،  كورمەگە كەلگەن قوناقتارعا ىزگى تىلەگىن بىلدىرسە، مىسىر اراب رەسپۋبليكاسى ەلشىلىگىنىڭ مادەنيەت جانە ءبىلىم ىستەرى جونىندەگى ورتالىعىنىڭ ديرەكتورى، پروفەسسور راندا ماحمۋد ريزك حانىم مىسىر ەلى، ونىڭ تاريحى تۋرالى ايتتى. سونداي-اق، كورمە تۋرالى قازاقستان رەسپۋبليكاسى سىرتقى ىستەر مينيسترلىگىنىڭ وكىلدىك باسشىسىنىڭ ورىنباسارى قارابۋلوۆ رۋسلان ءما­لىك­ۇلى پىكىرىن ءبىلدىردى.

قازاقستان رەسپۋبليكاسى (قر) مەن مى­سىر اراب رەسپۋبليكاسى (ارە) اراسىندا 1992 جىلدان باستالعان  ءوزارا ءتۇسى­نىس­تىك پەن قۇرمەتكە نەگىزدەلگەن جەمىستى ديپلوماتيالىق قاتىناس ساياسي، ەكونوميكالىق، مادەني قاتارلى بارلىق دەڭگەيلەردە قولداۋ تاۋىپ وتىر. ەكى ەل اراسىنداعى مادەني ىنتىماقتاستىقتى جانداندىرۋ شەڭبەرىندە 1996 جىلى قازاقستان رەسپۋبليكاسىنداعى مىسىر ەلشىلىگىنىڭ نەگىزگى بولىمشەلەرىنىڭ ءبىرى رەتىندە مىسىر مادەني ورتالىعى اشىلدى. 2015 جىلى مىسىردىڭ جوعارى ءبىلىم جانە مادەنيەت ءمينيسترىنىڭ بۇيرىعىمەن قازاقستان رەسپۋبليكاسىنداعى اراب رەسپۋبليكاسىنىڭ مىسىر ەلشىلىگى جانىنداعى مىسىردىڭ مادەنيەت جانە ءبىلىم ىستەرى جونىندەگى ورتالىعى بولىپ وزگەرتىلدى. ورتالىقتىڭ مىندەتتەرىنىڭ ءبىرى – كورمەلەر ۇيىمداستىرۋ جانە وتكىزۋ ارقىلى مىسىر تاريحى مەن مادەنيەتىن ناسيحاتتاۋ بولىپ تابىلادى.

گ. قىدىراليەۆا

 

سوڭعى جاڭالىقتار