19 قىركۇيەك, 16:32 370 0 قاۋىپسىزدىك ماقسات قۇسايىنوۆ

سوت عيماراتى – ادالدىق الاڭى

الاتاۋ اۋداندىق سوتىندا «سوت عيماراتى – ادالدىق الاڭى» تاقىرىبىندا سەمينار وتكىزىلدى. سوت سۋديالارى مەن قىزمەتكەرلەرى جانە كەڭسە مەڭگەرۋشىسى قاتىسقان شارانىڭ اشىلۋىندا ءسوز العان اۋداندىق سوتتىڭ سۋدياسى ەربول اك-كۋوۆ اۋەلى سىبايلاس جەمقورلىققا قارسى تۇرۋ ءار ازاماتتىڭ، مەملەكەتتىك قىزمەتشىنىڭ مىندەتى ەكەنىن ەسكە سالدى.

ءوز بايانداماسىندا سۋديا ەربول مۇراتىۇلى، جەمقورلىقتىڭ الدىن الۋعا باعىتتالعان زاڭنىڭ مىندەت-ماقساتتارىن ءسوز ەتىپ، سىبايلاس جەمقورلىق مەملەكەتتىك باسقارۋدىڭ تيىمدىلىگىن تومەندەتىپ، پروگرەسسيۆتى الەۋمەتتىك-ەكونوميكالىق دامۋىن تەجەيتىنىنە توقتالدى.

«سىبايلاس جەمقورلىققا قارسى كۇرەستەن بارلىق مەملەكەتتىك قىزمەتشىلەر سىرت قالماۋى قاجەت. ءاربىر مەملەكەتتىك قىزمەتشى تەك ءوز ءىس­ارەكەتتەرى ءۇشىن ەمەس، تۇتاستاي ۇجىمنىڭ جۇمىسى ءۇشىن دە جاۋاپتى. سونىمەن قاتار، مەملەكەت جۇمىس جاساۋعا لايىقتى ەڭبەك جاعدايلارىن جاساعان سوڭ، مەملەكەتتىك قىزمەتشىلەردەن زاڭنامانى قاتاڭ ساقتاۋدى تالاپ ەتۋگە قۇقىلى. ءبىز ءادىل تورەلىك جاساپ، جەمقورلىقتان جوعارى تۇرعان جاعدايدا عانا حالىق سەنىمىنە يە بولامىز. پرەزيدەنتىمىز ق.توقاەۆتا بيىلعى جولداۋىندا سىبايلاس جەمقورلىقپەن جان-جاقتى كۇرەسۋ كۇن تارتىبىنەن تۇسپەگەنىن تىلگە تيەك ەتىپ، سىبايلاس جەمقورلىقتى جولىن جويۋ ءۇشىن ناقتى تاپسىرمالار بەرگەنى بارلىقتارىڭىزعا ءمالىم»، – دەدى ە.اك-كۋوۆ.

سەمينار سوڭىندا، سوت پروتسەسىنە قاتىسۋشىلارمەن ءىس جۇرگىزۋدەن تىس قارىم­قاتىناستا بولماۋ جانە سوتقا كەلۋشىلەردىڭ ارانداتۋشىلىق ءىس­ارەكەتتەرىنە جول بەرمەۋ تۋرالى قاتىسۋشىلارعا قاتاڭ ەسكەرتىلدى.

سوڭعى جاڭالىقتار